لـــيــالــيـنــا

ـ

ليالينا

ليالينا ليالينا

وتاهت بينا ليالينا

وقولنا نرسى على مينا

مشينا وادينا من غير اهالينا

ولا حد بيسال فينا

واتارى الدنيا غداره

بتغدر كل يوم بينا غداره

والله وجيتى علينا يا دنيا

وجيتى كتير على ناس قبلينا

الحنيـــــــــــــــــــــــــــــــــــــه

طب فين هــــــــــــــــــى

ابكى يا قلبى على الحنيه

هى الدنيا جرى فيها ايه

حتى الناس صبحت مش هى

راحت فين الكلمه الحلوه

راحت فين الناس الحلوه

ضيعتيهم وجرحتيهم وتوهتيهم

ياااااااااااارب

{ وَإِذَا سَأَلَكَ عِبَادِي عَنِّي .... "فَإِنِّي قَرِيبٌ" ... أُجِيبُ دَعْوَةَ الدَّاعِ إذَا دَعَانِي ..}

[ سورة البقرة: 186]

يا الله ! .... أي شيء يجعلُنا مطمئنين غيرك !.

لماذا

كتيرا ما يتبعثر مني الكلام

كثير ما تنهمر مني الدموع

كثيرا ما يتألم قلبي من الحزن

كثيرا وكثير لا اري نفسي الا في غرفه مظلمه

وحيده شريده بيها

اعلم علم اليقين اني اصبحت صاحبه قلب قاسي

اعلم علم اليقين اني اصبحت المرأة التي مات قلبها

اعلم اني لست انا الانسانه والمراءه الحنونه

كهرتني وكرهت نفسي وكرهت حتي سماع صوتي وصدي صوتي

لمذا اصبحت هكذا ؟؟؟؟؟؟؟؟؟؟؟؟؟؟؟؟؟؟؟...

سامحني و كل عام وانت بخير

حتى نبدأ رمضان بنفوس صافية و قلوب مطمئنة سامحتك من غير علمك حتى لو لم تعرفني فسامحني حتى لو أنك تعتقد بأنه ليس هناك داعٍ للتسامح فقط سامحني

اللهم بلغنا رمضان و أنت راض عنا غير غضبان
و أعنا فيه على الصيام و القيام
و تقبل منا يا أرحم الراحمين

وكل عام وانتم بخير

منقول

فرصة لصدقة جارية

الموضوع ببساطة هو استكمالا لاعمال الخير السابقة تم طرح فكرة لعمل صدقة جارية ودعوة الجميع للمشاركة فيها

الصدقة عبارة عن المساهمة فى شراء جهاز طبى ( مونيتور ) لخدمة الاطفال المرضى بمستشفى ابو الريش الجامعى

الجهاز تكلفته 15000 جم ( خمسة عشر الف جنيه ) تم توفير مبلغ خمسة الاف جنيه حتى الان من ثمن الجهاز

خطة العمل المقترحة :

الاعلان عن مشروع الصدقة فى بعض المدونات الصديقة بالاضافة الى كل المدونات كل حسب رغبته

- التبرع اختيارى وكل حسب امكانياته حتى لو مبلغ التبرع جنيه واحد .

- طرق التبرع متنوعة سواء كانت بحوالة او بالاستلام باليد او عمل لقاء خيرى بالمستشفى لزيارة المرضى وتسليم التبرعات النقدية للمسئول المستشفى

بالنسبة للتبرع هيكون باحدى الطرق الاتية

-عن طريق حوالة على بنك مصر فرع الاورمان ( البيانات المطلوبة هنا )

- عن طريق الاتصال على الارقام الاتية

مدام نوران بت خيخة

0180004374

خالد همس الاحباب

0101345140

- او التبرع يوم اللقاء 9ابريل بمستشفى ابو الريش الجامعى

اقتباس من مداونه همس الاحباب (خالد )

رودي

حوار مع النفس

رأيت الدموع في عينيكي ** فلما يا صغيرتي تبكين

شأهدت نار الحب تنطفي ** وانتي الي رمادها تنظرين

أيقنت أن هذا ليس حبا ** فعلي اي شئ يا عزيزتي تندمين

علي من ترك قلبك وانتي في ذروة الجراح تنزفين

فدعيني أعرفك بالحب إذا كنتي عنه لا تعرفين

الحب موقف وأزمه وعلي من تحبي تخافين

الحب ثوره وتحدي وليس ممن تحبي تهربين

ليس أشعار في سطور أو كأس لهو تشربين

الحب أحساس وشعور لهفة قلب سجين

دخل زنزان من أحب ولكنه يعرف سر الحنين

ذاك هو الحب بناء بلا نهاية عطاء مع مر السنين

وهدم أذا أهتزت الكرامه

وبعد إذا طال الانين

فدعك من الدموع وأسمعي لعلك بحديثي تشعرين

وحكمي العقل وأسالي علي من يا عيوني تبكين

رودي

६/३/९९

الكويت

كل نفس ذائقت الموت ..وداعاُ اخي الفارس الملثم

بِسْمِ اللَّهِ الرَّحْمَنِ الرَّحِيمِ
(كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ
فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ
وَما الْحَيَاةُ الدُّنْيَا إِلاَّ مَتَاعُ الْغُرُورِ)
صدق الله العظيم

توفى الى رحمة الله تعالى الصديق والاخ العزيز والمدون محمد عبد الحكم رياض (الفارس الملثم)
ثرثرة تحت المطر
وثرثرة مع نفسى

بصراحه مش مصدقة ومصدقتش الا لما اتصلت برقمه وولدته الله يصبرها الله يصبرها الله يصبرها ردت عليا
ربنا يارب يرحمة ويغفر له ويدخلة فسيح جناته
نسالكم الدعاء لاخونا المدون الفارس الملثم رحمه الله رحمه واسعه
ولوالد صديقتنا واختنا خيخه (نوران الشاملي )
ولجده الاخت مني صاحبه مداونه عروسة نوسا وشفقة واحسان .
واسالوا لهم الرحمه والمغفرة
اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار
اللـهـم عاملة بما انت اهله ولا تعامله بما هو اهله
اللـهـم اجزه عن الاحسان إحسانا وعن الأساءة عفواً وغفراناً
اللـهـم إن كان محسناً فزد من حسناته , وإن كان مسيئاً فتجاوز عن سيئاته
اللـهـم ادخله الجنة من غير مناقشة حساب ولا سابقة عذاب
اللـهـم اّنسه في وحدته وفي وحشته وفي غربته. اللـهـم انزله منزلاً مباركا وانت خير المنزلين
اللـهـم انزله منازل الصديقين والشهداء والصالحين وحسن اولئك رفيقا
اللـهـم اجعل قبره روضة من رياض الجنة ,ولا تجعله حفرة من حفر النار
اللـهـم افسح له في قبره مد بصره وافرش قبره من فراش الجنة .اللـهـم اعذه من عذاب القبر ,وجاف ِالارض عن جنبيها
اللـهـم املأ قبره بالرضا والنور والفسحة والسرور
اللـهـم إنه فى ذمتك وحبل جوارك فقه فتنة الفبر وعذاب النار , وانت أهل الوفاء والحق فاغفر له وارحمه انك انت الغفور الرحيم
اللـهـم انه عبدك وابن عبدك خرج من الدنيا وسعته ومحبوبيه وأحبائه إلي ظلمة القبر وماهو لاقته
اللـهـم انه كان يشهد أنك لا إله الا انت وأن محمداً عبدك ورسولك وانت اعلم به
اللهم ثبته عند السؤال
اللهم انه نَزَل بك وأنت خير منزول به واصبح فقير الي رحمتك وأنت غني عن عذابه
اللـهـم اّته برحمتك ورضاك وقه فتنه القبر وعذابه و أّته برحمتك الامن من عذابك حتي تبعثه إلي جنتك يا أرحم الراحمين
اللـهـم انقله من مواطن الدود وضيق اللحود إلي جنات الخلود

كل العزاء لاختنا خيخه .. واجب عزاء

بسم الله الرحمن الرحيم

يأيتها النفس المطئنه ارجعي إلي ربك راضية مرضية فادخلي في عبادي وادخلي جنتي

صدق الله العظيم

توفي الي رحمة الله تعالي صباح اليوم

والد الاخت والصديقة نوران الشاملي

صاحبة مداونه بنت خيخة واي كلام

العزاء ان شاء الله يوم الاحد فى الحامديه الشاذليه فى سور نادى الزمالك - المهندسين

ارجو الدعاء لي والدها المرحوم ولوالدي واموات المسلمين جميعا

اللهم : يا حنان يا منان ياواسع الغفران اغفر له وارحمه ( المتوفي ) وعافه واعف عنه ، واكرم نزله ووسع مدخله ، واغسله بالماء والثلج والبرد ، ونقه من الذنوب والخطايا كما ينقي الثوب الابيض من الدنس

اللهم : ابدله خيراً من داره ، واهلاً خيراً من أهله ، وزوجاً خيراً من زوجه، وأدخله الجنه وأعذه من عذاب القبر ومن عذاب النار

اللهم : عامله بما أنت أهله ولا تعامله بما هو أهله

اللهم : اجزه عن الإحسان إحساناً وعن الإساءة عفواً وغفراناً

اللهم : إن كان محسناً فزد في حسناته ، وإن كان مسيئاً فتجاوز عن سيئاته يارب العالمين

اللهم : آنسه في وحدته وآنسه في وحشته وآنسه في غربته

اللهم : أنزله منازل الصديقين والشهداء والصالحين وحسن أولئك رفيقا

اللهم : اجعل قبره روضة من رياض الجنة ولا تجعله حفرة من حفر النار

اللهم : أفسح له في قبره مد بصره وافرش قبره من فراش الجنه

اللهم : اعذه من عذاب القبر وجاف الارض عن جنبيه

اللهم : انقله من مواطن الدود وضيق اللحود الي جنات الخلود ( في سدر مخضوض وطلح منضود وظل ممدود وماء مسكوب وفاكهة كثيرة لا مقطوعه ولا ممنوعه وفرش مرفوعة )

اللهم : احشره في زمرة المقربين وبشره بروح وريحان وجنة نعيم

اللهم : احشره مع أصحاب اليمين واجعل تحيته سلام لك من اصحاب اليمين

اللهم : بشره بقولك : ( كلوا واشربوا هنيئا بما اسلفتم في الايام الخالية )

اللهم : ارزقه بكل حرف من القرآن الكريم حلاوة وبكل كلمه كرامة وبكل آيه سعادة وبكل سورة سلامه وبكل جزء جزاء

اللهم : يمن كتابه ويسر حسابه وثقل بالحسنات ميزانه وثبت علي الصراط أقدامه وأسكنه في أعلي الجنات في جوارنبيك ومصطفاك سيدنا محمد

اللهم : امنه من فزع يوم القيامه ومن هول يوم القيامه واجعل نفسه آمنه مطمئنه ولقنه حجته

اللهم اسكنه فسيح الجنان وإغفر له يا رحمن

اللهم : اغفر وارحم وتجاوز عما تعلم فإنك أنت الله الإعز الاكرم

اللهم : اجعله في بطن القبر مطمئناً وعند قيام الاشهاد آمناً وبجود رضوانك واثقاً والي أعلي علو درجاتك سابقاً

اللهم : اجعل عن يمينه نوراً وعن شماله نوراً ومن فوقه نوراً ومن تحته نوراً حتي تبعثه آمنا مطمئناً في نور من نورك

اللهم : انظر إلية نظرة رضا فإن من تنظر اليه نظرة رضا لا تعذبه أبداً

اللهم قه السيئات (ومن تق السيئات يومئذ فقد رحمته )

اللهم اغفر له في المهديين واخلفه في عقبه في الغابرين

واغفر لنا وله يارب العالمين وافسح له في قبره ونور له فيه

آآآآآآآآآآآآآآآآآآمين يارب العالمين

يارب دائما متجمعين في الخير

طبعا انا والله مكسوفة منكم جدااا لاني خلفت وعدي وغبت تاني

بس والله ظروف غصب عني

المهم اني محبتش افوت الفرصة والدعوه دي

اللي موجهه من ايناس ـ نهر الحب

والبنت الجدعه جداا خيخه

وده مضمون رسالتهم ومقتبس من مداونه خيخة

الدعوة لزيارة الجرحى الفلسطينين

بمستشفى الهلال الأحمرالمصري

اللى في رمسيس

وعنوانها بالظبط كدة34 شارع رمسيس

أمام جريدة الجمهورية

التجمع هيكون يوم الاربعاء

الموافق 7 يناير

الساعة 11 صباحا

هنتجمع قدام المستشفى

وده رقم تليفون هيكون مع إيناس 0188047779

محدش يقولى يوم الأربع

ده يوم فى وسط الاسبوع

وعندنا أشغال وامتحانات والكلام ده كله

اليوم ده اجازة رسمى

يعنى مالكوش حجة

هتيجوا يعنى هتيجوا

التبرعات اللى محتاجينها

فلوس

ملايات سرير

لعب اطفال

ملابس وغيارات

عصايرالمستشفى مش محتاجة

قطن او شاش أو الحاجات دى

هى عندها كتيييييييير

وكمان فيه دعوة موجهه من صديقة خيخه

وده مضمون الدعوة كمان عند خيخه

فيه كمان دعوة من دعاء
صديقتي وجارتي في اكتوبر اللعينة
لمشاركتها

فى جمع تبرعات عينية لتوصيلها لأهل غزة

وده عن طريق لجنة الاغاثة

اللى تبع نقابة الأطباء

وانا بالنيابة عنها

هاروح أنا وإيناس

نوصل الحاجات دى لنقابة الاطباء

لان دعاء للأسف مش هتقدر تيجى

لانها هتكون مسافرة يوميها

ولجنة الإغاثة بتاعة نقابة الأطباء

محتاجة كل ماتتخيلوه

بطاطين

قطن

ميكركروم

أطعمة معلبة

عصائر

شاش

مطهرات جروح

مضادات حيوية لإلتئام الجروح

يعنى أى حاجة هتنفع

فلو تحبوا تشاركونا بالتبرعات

يبقى كتر خيركم

ممكن جدا اللى هيجى المستشفى

ومش هيقدر يجى معانا بعد كدة نقابة الاطباء

وعايز يبعت تبرع

يبقى يدينى انا وايناس الحاجات

وإحنا هنوصلها بالنيابة عنه

وكمان اللى يحب يبعت تبرع لأهل غزة

عن طريق الهلال الاحمر

لازم يكون عامل كارنيه عضوية فى الهلال الاحمر

وده بيتطلب خمسة جنيه

و صورة للرقم القومى ( البطاقة الشخصية )

وعدد اتنين صورة شخصية

وفيه كمان خبر عند نوارة نجم

بعنوان المواد الطبية المطلوبة لاغاثة غزة

وفيه حاجه مهمه جدا عند ابي وكوكب آبي

ودي المداونات اللي ناشرة عن الموضوع

* فرنسا هانم

* خيخه واي كلام

* ايناس ـ اوتار

* قوس قزح

في النهاية ربنا يتقبل منا ومنكم صالح اعمالكم

ويجعله في ميزان حسناتكم

عيد الحب

يــاحبيبــي

هــا أنــا انفـض غبـار السنيـن

والحـزن والأنيـن

لأشغــل نفســي معـك وبـك

وامســك بالقــلم

قبــل أن أحـركـه يحركنــي

لأبحـر به في بحـرك

واحـلق به في سمـائك

فحـروفـي ترقـص مهللـةً فـوق حـروفـي

وكلمـاتي تـزغـرد أمـام عينـي

وجمـل الحـب تحكـي عنـي

تبـوح بسـري

حبيبي

لـوكـان في استطــاعتــي

أن ارسـم قبـلاتـي

عـلى صفحـات أيامك

لتقـرأهـا بشفتيـك

بـدلاً من عينيــك

كـل عـام وأنت وأنا بخير

وكل عام وأنا وأنت نغدو ونسمو بالحب

كل عام وانت وانا بخير

كل عام وأنت وأنا حبيبين

وكل عام وأنا وأنت نغدو ونسمو بالحب

كل سنه وانتم طيبين بمناسبة عيد الحب
4/11/2008

ورجعتلكم بعد طول غيااب.. وحشتوني

وحشتوني مش عارفة اقولكم ايه انا محرجه منكم جدااا



بجد انا متاسفة جدااا علشان غبت عليكم من غير سابق انذار

غصب عني والهي



ومتشكرة اووي لكل اللي سالو عليا سواء برسايل او التعليقات او تليفون



عموما ان شاء الله مش هغيب عليكم تاني وسمحوني اني مقصرة معاكم



والله كانت ظروف اقوي مني



عموما انا هزوركم واحد واحد

ومعايا شيكولا وحاجات حلوة كتير


بحبكم في الله



رودي

اللقاء الثاني بيوم التبرع بلدم

بجد مش عارفة اقولكم ايه وحشتوني جدااا





وسمحوني اني مقصرة معاكم بس والله ظروفي ملخبطة خالص





بس والله علطول في بالي وربنا يكرمها آآآبي هانم بتنجان بتقولي اخباركم





وبتقولي اخر اخبار المداونات مش عارفة اقولها ايه البنوته دي





وكمان بشكر كل شخص سال عليا او كلمني في التليفون





انا اهوو زي القطط بسبع ارواح المهم نيجي بقي للمهم








الحملة الخيخيه الثانية بيوم التبرع بلدم واللي بتنظمها خيخه











ان شاء الله يوم الجمعة أول أغسطس الساعة عشرة صباحا


قدام هيئة المصل واللقاح فى الدقى


51 ش وزارة الزراعة


وبعد كدا هنروح علي نادي الزراعيين


علشان نحتفل باعياد ميلاد المدونين


سوو


لماضة

الدعوة عامة وعاوزين نبقي لمه كدا

ومزيد من التفاصيل عند خيخه

وهناك هي كاتبة رقم تليفونها

وعند فاتيما كاتبة هي تفاصيل كتيرة عن المكان وعن الحملة

اروح انا بقي الف عليكم واسلم

لكم جميعا كل التحية

رودي

ملحوظة صغننه

العمل ده لم نتقاضي عنه اي مبلغ وهو عمل خيري مش اكتر

الكلام ده للناس اللي مخها متركب شمال

الـوان الطيف السبعه

مالونك؟

لون الغيوم القاتمه

ام لون السحب البيضاء

ام جمعت كل الالوان

اراك كل الاطياف

بكل الموجات

بكل الدرجات

بكل اللغات

اسمعك تئن

اراك تضحك

انظرك تلهو

احسك تبكى

ماانت ؟

نسيج من المشاعر الملونه

ام اسير لون يضيف كل يوم اخر

عميق فى صمتك مثل الاسود

صفى فى حروفك مثل الابيض

حالم فى مملكتك مثل الازرق

الم تغير من لونك؟

الم تبقى مثل اسمك؟

بلا حروف تزيد ولا تقل

بلا معانى اخرى مثل صمتك

بلا شفق يغير من صدقك

احتار فيك قلبى

وتعثر فيك حلمى

وبت لاادرى من تكون

ومن اى لون أنت !!!

أرجوك لا تغيب

مُكبلٌ



أناديهِ



لا يجيبْ



ابي ... انظر الي



وعيونه مغرورقةٌ لا تُجيب



فيها لومٌ على السنين



بلغتهُ سلامَ أمي



عاتبني بعينيه اني سأغيب



رجوتهُ



عد إلينا



أرجوك عن حياتي لا تغيب



روحك تسكنُ أرجاء البيت



فكيفَ عنه تغيب



يرجوني بعينيه فكي أسري



أزيلي القيد حول عنقي



لا اقوى يا أبي



وأديرُ ظهري وأبكي



२४/११/2006

امراة تهواه

يبحث عن امراة تهواه

وكان فيض اشعارى ينساه

و لا يدرى انه شمس ليلى

وان احلامى لا يسكنها سواه

و يبحث عن امرأة تهواه

و كانه ليس كحل عينى

وكأن قلبى يوما سلاه

ورذاذ من عطرى انثره

و ثوب رائع حين القاه

و يبحث عن امراة تهواه

و بحر عمرى هو مرفأه

و كيانى ارضه هو وسماه

و ينكر رعشة صوتى

و عيون لاتبصر سواه

و يبحث عن امراة تهواه

انى الف اهواك يا رجل

لازال يبحث عن امرأة تهواه

دعوة عامة للبنوتات فقط

ازيكم يا بنانيت بلوجر
وحشتونىىىىى جدااا وعلشان كدا
قررنا نحن انا وخيخه

هنعمل اجتماع للحريم فقط
وسوف يحضرة مجموعه من الحريم ( لسة مش عرفين مين جاي )
ومنظمه هذا اللقاء الاستاذه الدكتورة خيخه واي كلام
استاذه ورئيسة قسم والخبيرة
والحاصلة علي شهاده من المطبخ العالمي في امريكا في كيفية عمل الفول بلزيت الحار
والحاضلة ايضا علي الجائزة العالمية من منظمة اليونسكو
في ركوب الشباك حصان وغسيلة وتنظيف السجاد ومسح الزجاج النيش من غير ما تكسري فنجان او كاس
وسوف تعرض لنا جدول اعمالها والذي تناقشة لنا في هذا اللقاء ويتضمن كالتالي
كيفية عمل صنية مكرونة بالباشميل
كيفية نزع الشعر بدون الم
تعويد المحروس او المحروسةانه يقعد على البوتى ( البوتى يعنى القصرية) علشان يعمل بى بى
اضمن واحدث وسائل منع الحمل
ووسائل الدفاع عن النفس فى حالة التعرض لاى معاكاسات
وايهما افضل الطبيخ بالزيت ؟ ولا بالسمنة ؟
الفرق بين السمنة البلدى والسمنه النباتى
فوائد الرضاعة الطبيعية ومضار الرضاعة الصناعية
كيف تصبغين شعرك دون اللجوء الى الكوافير
كيفية عمل ماسكات لتفتيح لون البشرة
كيف تنظفين التلاجة والبتوجاز
وبخبرتها الخيخية هتشرح لنا ازاي نعكنينين على زوجنا
واللقاء هيتضمن ايضا بعض النميمة على الازواج والحموات الفاتنات
وسوف تشرح لنا الاستاذه والدكتورة خيخه واي كلام
كيف تكونين خيخة فى عشر خطوات
وهيتضمن هذا اللقاء نصائح لكل البنوتات المقبلين علي الزواج
وعلي رائسهم البنوته الجميلة آبي هانم بتنجان
وكلنا بعون الله ربنا يقدرنا ويقدركم في فعل الخير يارب هنوصيها و نقولها الوصايا العشر
ازاي تدبح له القطه من اولها
كيفية التعامل معاه في فتره الخطوبة
كيفية التعامل مع حماتها
ازاي متخليش معاه ولا مليم بعد الزواج
ازاي تعمل له البوز المعتبر والوش الخشب
شرح لها مثل ابنك علي ما تربيه وجوزك علي ما تعودية
ازاي تخنصر من مصروف البيت من غير ما يعرف
كيفية تطفيش حماتها من بيتها لما تيجي تزور ابنها
ازاي تضحك عليه وتخلية ينفذ لها طالبها
وهنشرح لهم ايضا تعريف كلمه زواج والتي تتطمن في بعض النقط من
حمل
ولاده
رضاعه
دول كافلين باني البت تتعقد وترجع لعقلها ههههههههههه

يعني من الاخر كدا
ربنا يعينا كلنا ونعقدهم يوووو اقصد نوعيهم دول غلابة مدخلوش دنيا برضه (@_@)

والحمد لله تم تحديد المكان المناسب لهذا اللقاء الحريمي
العنوان نادي المهندسين الزراعين بلدقي
شارع نادي الصيد ـ الدقي ـ الجيزة
الساعه العاشرة صباحاً ياريت محدش يتاخر ( الرجال يمتنعون )
بلنسبة للستات المتزوجين ياريت يجيبو اولادهم علشان
نور بنتي وشريف ابن خيخه ويوسف ابن دوبا
يلاقو حد يلعبو معاهم

وطبعا الدعوة عامة
لكل الحريم
والرجال يمتنعون

اتنين في واحد

طبعا انا اول مرا اجاوب علي تاج والمرا دي جالي تاجين مرا وحده

من اعز اتنين انا بحبهم وبحب اتابعهم بستمرار
التاج الاولاني جاني من صديقي المدون

wanna b a physician

والتاج التاني من اختي وصديقتي

• فاتيما حبيبه قلبي
  
  طبعا ده تعريف بسيط عني
  
  رودي طبعا ده الدلع بتاعي سواء باسمي اللي في شهاده الميلاد او باسمي المشهورة بيه رودينا
  اسمي اللي في شهاده الميلاد محدش بيناديني بيه لدرجه اني احيانا بنساه هههههههههه
  
  التاج الاول
  اذكر عشر اشياء عن نفسك ؟
  
  مسلمة الحمد الله ، محجبة ، متزوجه ،و ام ايضا لطفه امورة وشقية اسمها نور

بحب الاصدقاء وبعتز بصداقتهم دائما ولكن مقصره احيانا معاهم

هادية جداا وعصبية اووي عاقله جداا ومجنونه ومهوسة

طيبة جداا وايضا قاسية القلب قد اكون حنونه لم انسي الاهانه بسهوله

ومرحه ولزيزة بحب الضحك وحزينه ايضا وانطوائية معظم الوقت

ومتوضعه جداا ولكنني مغروره عندي ثقة في نفسي

اجتماعيه وبحب الناس ولكنني احب الهدوء والجلوس بمفردي

شخصيتي قوية جداا ، لئيمه ، عنادية ، راسي ناشقة متفائلة ويائسة في نفس الوقت

نشيطه ، طموحه ، صريحة ، غامضه لابد الحدود ، ذكيه جداا واوقات بكون غبيه

منظمه جدااا وفوضاوية الي اقصي درجه رغاية اووي وصمتي اكتر

التاج هابعته خمسة لمين اممممممممممممم

وحده مفروسة

قوس قزح

سكر

رئيسة حزب الاحلام
د/ اجدع بنوته

بلغ اللى بعتهولك بانك تنزله رد في المداونته


حاضر جاري تنفيذ الطلب فورا

********************************************************

نيجي علي التاج التاني

تاج الاحلام علي رئي فاتيما



أذكر 5أحلام تخص ماضيك
كنت هتتخلى عن إيه فيها و هتتمسك بإيه لحد دلوقتى


كنت بحلم اني اعيش مع بابا وماما وانهم ميكونش منفصلين واتربي في وسطهم

الحلم ده هيفضل حلمي الماضي والمستقبل
وبجد نصيحه مهمه لي كل ام واب متخلوش الانانية والعناد يجي علي سعاده اولادكم واديهم الحق انهم يتربو في وسطكم زي ما انتم اتربيتو وسط اب وام وزي ما بيشوفو من اصحابهم واقاريبهم (-_-)0

كنت بحلم بقصه حب جميلة اووي ونعيش انا وبطالها اعنف قصه حب بس كانت فيه حاجه جوايا بتقولي اني الدنيا مش هتديني اللي بتمناه وانها هتنتهي قصه الحب دي زي فيلم حافية علي جسر من الذهب واللي بتموت البطله في سبيل سعاده ومستقبل حبيبها او فيلم حبيبي دائما واني اموت من مرض واشوف دموع الحب والحنية في عين حبيبي او زي قصه غاده الكامليا اللي بتكون ضحية ابوها وبتتظلم في حياتها وبتموت برضه ومش بتتجوز حبيبها

مش بقولكم نكادية وحزينه من يومي(^_^)0

كنت بحلم اني اطلع مضيفة والف العالم كلة واخد بابا وماما معايا كل سفارية واتجوز الطيار ونخلف طيارين ومضيفات ونستغل مصر للطيران لحسابنا (*_^) 0

كنت بحلم اني اتجوز اول حب في حياتي و خطيبي الاولاني كنت بحلم اننا نفضل مع بعض دائما

وكان نفسي يحارب الدنيا كلها علشاني زي ما حارب عنتر وقف وحارب علشان خاطر عيون عبلة بنت عمه وعموما الحمد الله اكيد ربنا كان شايف ليا حاجه احسن وربنا مش بيعمل حاجه وحشة وقدر الله مشاء فعل مفيش نصيب

بس الحمد الله دلوقتي مبسوطه وسعيده بي ابو نور وربنا يخليه ليا يارب انسان بيحبني وبيخاف عليا امسكو الخشب او قولو بسم الله مشاء الله (*_*)0

بحلم كمان لما كنت بسافر الاسكندرية مع بابا في الصيف ولا اسافر عند ماما الكويت كنت لما اقعد علي البحر احلم اني انا وحبيبي بنبص للشمس ساعه الغروب وكان نفسي بقي اتصور صورة الشمس ما بينا زي بتاعت كروت الحب دي عارفيها اكيد (@_@)0


أذكر خمس أحلام تخص مستقبلك و ما تتمناه منه

بحلم اني نور بنتي ربنا يخليها ليا وتتعلم تعليم كويس و تكبر وتكون انسانه كويسة ونافعه وتكون حنينه عليا انا وباباها واشوفها عروسه واشوفها مستقره في بيتها وام صالحه 0
بحلم اعيش في هدوء واستقرار مع جوزي واكمل المشوار وانجح فيه

ومجربش تجربة بابا وماما ومهما حصل منه استحمل واخلي المركب تمشي علشان خاطر بنتي والكلام ده لوحده صحبتي هي عارفة نفسها كويس
(*_^)
بحلم اسكن في مدينه جديده وتكون مدينه حلوة وفيها حدائق كتيرة علشان نور تلعب فيها بلعجلة بتاعتها وتكون بعيد عن الدوشة والدخان واي حاجه تضر بصحته بنتي ويعيش فيه كل الناس اللي بحبهم وميكونش فيها اي شئ يزعجنا ونعيش في هدوء واستقرار

بحلم اني زمن نور بتني يكون احسن وانظف من الزمن اللي احنا عايشين فيه ده علشان مش تتعب في حياتها وتشيل الهم زينا وتعرف تعيش في البلد اللي كلنا بنحبها وتفتخر انها مصرية واني مصر ميكونش فيها اي نوع من انواع الظلم والقهر اللي بشوفه دلوقتي ويكون فيه امان واستقرار وميكونش فيه اي حروب وتعيش في سلام تام هي وكل اطفالنا
بحلم اني ماما ربنا يشفيها ويديها الصحه وتفضل معايا علطول واكون بس يتيمه الاب لاني مش هعرف بعد الشر هيحصلي ايه لو جرا لها حاجه وكمان اني انا واخواتي سواء من ماما او من بابا يكون حنين واني الزمن والفلوس ميغيرهمش ونفضل كدا حنينين وكويسين مع بعض

اصل مفيش بعد الام والاب ربنا يخليهم لكم ومتتحرموش منهم ويرحم اللي مات منهم


أذكر شخصين - على الأقل - متواجدين فى حياتك كنت تتمنى وجودهم من قبل
نـــــــــــور *

لاني مش هعرف اعيش من غير وجودها في حياتي ربنا يخليها ليا يارب ويحميها ويديها طولة العمر وبحمد ربنا علي النعمة اللي رزقني بها

مداونتي *

لاني اتعرفت من خلالها علي اصدقاء كنت اتمناه اعرفهم من زمان وربنا يدوم المعزة والمحبة اللي بينا ونفضل كدا اصدقاء علطول
أذكر شخصين - على الأقل - غير متواجدين فى حياتك و تتمنى وجودهم مستقبلا فى حياتك و حياة أولادك
بــــابــــا *
كنت اتمناه وجود بابا جمبي ويشوف بنتي بتكبر وبتقوله يا جدو الكلمه اللي كان بيحلم بيها ومات قبل ما يسمعها ده مش اعتراض علي حكمة ربنا ولكم مجرد حلم

خــلـود *

صديقتي خلود الكويتيه دي اعز صديقة ليا وصديقتي الوحيده طول فتره اقامتي مع مامتي في الكويت ومكنتش متخيلة اني هبعد عنها ومش هعرف اشوفها كنت اتمناه نفضل مع بعض علطول وتشوف بنتي واشوف اولادها ربنا يسعدها يارب والحمد الله اني بسمع صوتها وبكلمها وبتكلمني .

دول بس الناس اللي افتقدهم بغيابهم عني لكن ربنا ما يحرمني من الناس اللي حواليا واللي بحبهم يارب

اخيرا لمن تهدى التاج
سووو عم الشباب والرياضه
آآبي وحديقة الحيوانات بتاعتها هههههههههه
خالو احمد الصباغ
wanna b a physician
واحد من البلد دي
وكل واحد او وحده نفسة في التاج يتفضلوه ميغلاش عليكم

يااااااااااه التاج ده صعب اووي في اسئلته فضايح يعني ههههههههههههه


تحياتي لكم جميعا

رودي

أجمل يوم في حياتي

بصراحه من كتر التغطية اللي شوفتها عند اصدقائي محتارة اقول ايه ولا ايه
اليوم كان جميل بكل المقايس وكنت مبسوطة اووي والناس فرحانه وسعيده
اول مرا اشوف الحب والموده والصداقة والاخوة دي
بجد انا فخورة اني من المداونين المصرين وفخورة اني بينكم وبينا الاحترام والحب والموده والخوف علي بعض كدا
هكيلكم بقي اليوم بدا معايا ازاي من اوله
اليوم بدا اني قمت مبسوطة ومستنية الساعه تيجي 6 علشان انزل واشوفهم بفارغ الصبر

والحمد الله اليوم عدي بسرعه وجيت انزل طبعا بنوتي حبيبه قلبي شبطتت فيا لبستها وجت معايا

رحت علي المكتبة وانا مبسوطة اني هشوف ناس كتيرة اول مرا اشوفهم

طلعت علي السلم لقيت بنات وشباب كتيرة علي السلم وزحمة يا دنيا زحمة

دخلت وسلم علي ابراهيم عادل ( مداونه انا وانا ) واشتريت كتابه طبعا المسحوق و الارض الصالبة
وكمان لقيت ناس اول ما شافتني خطفو مني نور علطول طبعا خاطيبها الرسمي

عم الشباب والرياضة سووو ( عجوز وعنده 30 سنه )0
وبعد كدا لقيت ( آآبي هانم بتنجان ) ماسكه خطيبها ( اسلام ) يا حبة عيني ومسكه ودنه رغي رحت قولت لها طيب ممكن اسلم ورخمت عليها ورخمت عليا راحت نور بنوتي اخدت حقي ولزقت فيها وفضلت شيلاها علي قلبها وبتلعب في اي حاجه هي لبساها ربنا يسعدها ويوفقها مع خطيبها البت دي بحبها اووي لانها طيبة وحبوبة وخدومه اووي
وطبعا سلمت علي فاتيما واخذتني بلحضون بتاعها الجميل الحنين وسلمت علي نورونورالحقيقة كانت رخمة اووي لانها كانت لسة صاحية من النوم فكانت بتتقل علي فاتيما
وبعد كدا آبي اخذتني وعرفتني بابونا كلنا ( ابو خالد ) وبجد انا حسيت انه فعلا اب لينا كلنا انسان بسم الله مشاء الله وشة كلة نور وايمان انسان محترم جداا وطلب مني اقوله يا بابا وبرغم الكلمة صعبة عليا لكن هو يستاهلها وربنا يدوم عمرة ويخليه لي اولاده ولينا
بعد كدا جت سلمت عليا سحر ( مداونه مفقوعه مرارتها من حماتها ) والحقيقة لقيتها حاجه كدا صغننه ورقيقة ومن هنا بناشد فيفي تخف علي البنية شويا البنت هتختفي من فقعتها من فيفي .

بعد كدا جت حبيبه قلبي اماني ( اخر العنقود ) وشدتني من ايدي وعرفتني بشخصية محترمه جداا بعتز بصدقتها اخي آنس ( صاحب المضيفة ) طبعا التخمين في اليوم ده مش بينجح بنسبة كبيرة لان كل التخيلات اللي كنت متوقعاها كلها مش مظبوطه واني لقيتهم غير كدا وطبعا للاحسن وسلمت علي اخوها الدكتور محمد ( دكتور حر ) انسان في غاية الاحترام فعلا علي رئي البت خيخه انها حقا عائلة محترمه

وطبعا كان نفسي اشوفها بس كالعاده طلعت خيخه ومجتش وبعتت ليا رسالها بتعتذر وبتبلغ اعتذارها للجميع

وطبعا شوفت واتعرفت علي اخي احمد (سكر ) انسان محترم جداا ربنا يخلية لي اولاده ، وكمان سلوي (رئيسة حزب الاحلام ) ونونا (كلاكيت تاني وتاني ) اتنين بحب اتابعهم طبعا سلوي اول مرا اشوفها انسانه محترمه خالص وحبتها اكتر ونونا شوفتها قبل كدا مرا بس محصلش نصيب وقعدت معايا كتير
وطبعا باركت للعروسين احمد الجزاوي وشاهندا علي خطوبتهم وعقد قرانهم ووعدونا بانهم هيعزمونا في الزفاف ان شاء الله
وسلمت طبعا علي هيثم الدهشان وكمان شوفت احمد الصباغ وكاالعاده بيصور وبيعمل التغطية طبعا الناس كانو كتير وزحمة اووي سلمت عليه بلمشاورة

ومحمود الدوح (ميدو في الادغال حاليا) ومحمد (ابن الحجر العسقلاني ) وسوووو كانو في البلكونه من كتر الحر وطبعا رحت لهم انا وفاتيما وشوفتهم هيروحو البورصه ولا لاء وطبعا كان سوووو عامل مفاجئه لفاتيما وقايلي عليها علي المسنجر اننا هنحتفل بعيد ميلادها

وطبعا اتعرفت علي انسانه انا مبسوطه اني شوفتها واتعرفت عليها داليا ( قوس قزح ) ام نور انسانه جميلة وعقلة جداا وحنينه اووي ربنا يخليها لي ابنها يارب
وسلمت علي مايكل وطبعا انا شوفته قبل كدا في التبرع بلدم انسان جميل وطيب اووي
ووسالت علي مروه ( لماضة) وطبعا قالولي هتلاقي حاجه كدا سفروته وصغننه المهم دورت علي وفي الاخر وصلت لها سلمت عليها والحقيقة هي هادية جداا ورقيقة جداا وبتتكسف برغم لماضتها اللي بنشوفها فعلا سعيده اني شوفتها وابي وفاتيما جم قعدو معانا

وسلمت كمان علي الاستاذ احمد القاضي (يا مركبي ) وطبعا انسان غاية في الاحترام وشخصية الواحد يفتخر بيها برا مصر واللي جيه مخصوص من السعودية وشنطته جمبه الله يكون في عونه ويوصلة بلسلامه ان شاء الله
قابلت كمان شريف (سيبو في حاله ) وهو صديق احمد الصباغ في الشغل انسان محترم جداا الحقيقة وطلع من الاسماعليه بلدي التانية

وطبعا انا من اول ما وصلت وانا نفسي اشوف داليا ( اهو ده عيبة ) سالت عليها سوووو وآبي ولقيتها وسلمت عليها وطبعا كنت شايلة معايا سلامات من صديقنا المشترك محمد ( الواد الشقي ) واللي عرفته ببلوج وهو عرف داليا الموقع واشتركو الاثنين في بلوج شوفتم النصيب في الاخر نتجمع كلنا وكل واحد من محافظة ، الحقيقة كنت رسمه لها صورة وطلعت احلي من الصورة بكتير انسانه جميلة وهادية ورقيقة وكنت مبسوطه بيها جداا لاني معجبة باسلوبها جدااا واخذنا طبعا احنا البنات ارقام بعض علشان يكمل التواصل بينا

طبعا كان نفسي اتعرف علي ناس كتيرة بس معرفتش الدنيا كانت زحمة اووي والجو حر ونور معايا وكمان المفروض اننا هنروح علي قهوه البورصة علشان عيد ميلاد فاتيما

ورحنا علي البورصة أنا وداليا وسحر وسلوي و نيرمين وسوو وابي مشيت مع خطيبها اسلام

ووصلنا هناك وكانت المفاجئة انهم كلهم جم علي البورصة وكان يوم جميل جداااااااااااااا

وقابلت هناك الاستاذ محمد علي ( يوميات عيل مصري) وانا سعيده جداا اني اتشرفت بمعرفتك وكان نفسي اتعرف علي حضرتك من زمان مع الصباغ

وكمان قابلت شخصية جميلة جداا وسعيده اني شوفته هو خالد (همس الاحباب)0

وكان نفسي اقعد اكتر من كدا واتعرف علي كل من
الاستاذ محمد شلبي ( عصفور المدينه) والاستاذه ايناس لطفي والاستاذ ايهاب عمر (مداونه ايهاب عمر ) والاستاذ محمد مفيد والاستاذ احمد البوهي والاستاذ احمد مهني وشيماء الجيزي واللي كانت بدور عليها داليا اهو ده عيبة وملحقتش اشوفها ولا اتعرف عليها .

انا سعيده باليوم ده ونفسي بجد يتعوض ويجي فيه كل اللي مقدرش يجي زي خالتى فرنسا ربنا يشيفيها يارب ويرجعها لنا بلسلامه و عبده الرايق و بطوط وخبيب و دوبا و كاميليا و خمسة فضفضة ومونا ليزا و قطة الصحراء و الطائر الحزين و برقش والبت خيخه ومحمود ( رئيس جمهورية نفسي اللي كلمته علي موبيل آآبي وسلمت عليه وفرسته شويا وكان نفسة يجي بس ظروف شغلة بقي الله يكون في عونه ، كان نفسي لولو (وحده مفروسة ) ناس ناس كتيرةكان نفسي اشوفهم سمحوني لو كنت نسيت حد

بجد مش عارفة اوصف سعادتي لما شوفتكم

ياريت كل واحد من اللي شافني يقول ايه الصورة اللي كانو رسمينها غير اني نكادية وحزينه ههههههه

بحبكم في الله

رودي