بس والله ظروف غصب عني
المهم اني محبتش افوت الفرصة والدعوه دي
اللي موجهه من ايناس ـ نهر الحب
والبنت الجدعه جداا خيخه
وده مضمون رسالتهم ومقتبس من مداونه خيخة
الدعوة لزيارة الجرحى الفلسطينين
بمستشفى الهلال الأحمرالمصري
اللى في رمسيس
وعنوانها بالظبط كدة34 شارع رمسيس
أمام جريدة الجمهورية
التجمع هيكون يوم الاربعاء
الموافق 7 يناير
الساعة 11 صباحا
هنتجمع قدام المستشفى
وده رقم تليفون هيكون مع إيناس 0188047779
محدش يقولى يوم الأربع
ده يوم فى وسط الاسبوع
وعندنا أشغال وامتحانات والكلام ده كله
اليوم ده اجازة رسمى
يعنى مالكوش حجة
هتيجوا يعنى هتيجوا
التبرعات اللى محتاجينها
فلوس
ملايات سرير
لعب اطفال
ملابس وغيارات
عصايرالمستشفى مش محتاجة
قطن او شاش أو الحاجات دى
هى عندها كتيييييييير
وكمان فيه دعوة موجهه من صديقة خيخه
وده مضمون الدعوة كمان عند خيخه
فيه كمان دعوة من دعاء
صديقتي وجارتي في اكتوبر اللعينة
لمشاركتها
صديقتي وجارتي في اكتوبر اللعينة
لمشاركتها
فى جمع تبرعات عينية لتوصيلها لأهل غزة
وده عن طريق لجنة الاغاثة
اللى تبع نقابة الأطباء
وانا بالنيابة عنها
هاروح أنا وإيناس
نوصل الحاجات دى لنقابة الاطباء
لان دعاء للأسف مش هتقدر تيجى
لانها هتكون مسافرة يوميها
ولجنة الإغاثة بتاعة نقابة الأطباء
محتاجة كل ماتتخيلوه
بطاطين
قطن
ميكركروم
أطعمة معلبة
عصائر
شاش
مطهرات جروح
مضادات حيوية لإلتئام الجروح
يعنى أى حاجة هتنفع
فلو تحبوا تشاركونا بالتبرعات
يبقى كتر خيركم
ممكن جدا اللى هيجى المستشفى
ومش هيقدر يجى معانا بعد كدة نقابة الاطباء
وعايز يبعت تبرع
يبقى يدينى انا وايناس الحاجات
وإحنا هنوصلها بالنيابة عنه
وكمان اللى يحب يبعت تبرع لأهل غزة
عن طريق الهلال الاحمر
لازم يكون عامل كارنيه عضوية فى الهلال الاحمر
وده بيتطلب خمسة جنيه
و صورة للرقم القومى ( البطاقة الشخصية )
وعدد اتنين صورة شخصية
وفيه كمان خبر عند نوارة نجم
وفيه حاجه مهمه جدا عند ابي وكوكب آبي
ودي المداونات اللي ناشرة عن الموضوع
* قوس قزح
في النهاية ربنا يتقبل منا ومنكم صالح اعمالكم
ويجعله في ميزان حسناتكم
هناك 16 تعليقًا:
lol,so nice
ربنا يكرمك يا بنوته
انتى و حشتيني و كل سنة و انتى طيبة و بخير يارب
انا ان شاء الله حكون معاكم ان شاء الله
ربنايجعل في ميزان حسناتكم
إن شاء الله أقدر آجي
...................
اللهم أنصر المسلمين على أعدائك في كل مكان
اللهم أنصر أهل غزة
اللهم فك كربتهم .
اللهم آمين .
نيجــر .
ان شاء الله نشارك
بس يارب نشوف بقى
السلام عليكم
إن شاء الله أحاول أجى..
ربنا يتقبل منكم يا جماعة و الله الدنيا بخير و المسلمين لسه فيهم إيمان بحق و حقيق
تحياتى البالغة لكم جميعا
Good Blog, I think I want to find me, I will tell my other friends, on all
السلام عليكم
والله أنا كنت جاى فعلا ..
لكن جالى تجار أصحابى إمبارح الساعة واحدة بالليل من بور سعيد..
والله غصب عنى..
قلبى معاكم
اخيرا بعد طول غياب طمنتينا عليكى
عودا احمدا
وماتتأخريش علينا كتير كده
جزاكم الله كل خير
وجعله فى ميزان حسناتك
ماشاء الله على حماسك وحبك للخير، تعرفى كل ما افتكرك بيدب فيها الحماس واحس انى عاوزة اتحرك اكتر واعمل اى حاجة
بصى يا رودى، بليز انشرى اخر بوست عندى عن جمعية الطريق الى الجنة.
وكمان فى مخطط ليا عن تكوين فريق يجمعنا سوا ونعمل جروب ع الفيسبوك عشان التواصل يكون اسهل واسرع وبالتالى نقدر نتجمع فى كل زيارات الخير
شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية
جزاكم الله خيرا
ربنا يكرمكوا يا رب
ويخليكى يا رودى يا جميله
ماشي الكلام ده جميل
وكل التجمعات دي تمت بخير وتوفيق من الله
وحصل لقاء تاني بعد كده
زياره لمستشفى فلسطين
كل دي أمور جميله وعظيمه
ربنا يجازي القائمين عليها خير
لكن أنتي اللي فين من ساعتها
ناويه ترجعي للغياب تاني ولا أيه
منتظرين الجديد
متتأخريش علينا
دمتي بكل خير
ازيك يا استاذة انتى هتفضلى كدا تغيبى ومش تطمنينا عليكى
عامة الحمدلله انك بخير
ويارب دايما كدا تبقى ساعيه للخير
دمتى بالخير
وحشتينى يارودى
ازيك وازى نور
ربنا يبارك فيكى يارب ودايما فى الخير متجمعين
إرسال تعليق