مالونك؟
لون الغيوم القاتمه
ام لون السحب البيضاء
ام جمعت كل الالوان
اراك كل الاطياف
بكل الموجات
بكل الدرجات
بكل اللغات
اسمعك تئن
اراك تضحك
انظرك تلهو
احسك تبكى
ماانت ؟
نسيج من المشاعر الملونه
ام اسير لون يضيف كل يوم اخر
عميق فى صمتك مثل الاسود
صفى فى حروفك مثل الابيض
حالم فى مملكتك مثل الازرق
الم تغير من لونك؟
الم تبقى مثل اسمك؟
بلا حروف تزيد ولا تقل
بلا معانى اخرى مثل صمتك
بلا شفق يغير من صدقك
احتار فيك قلبى
وتعثر فيك حلمى
وبت لاادرى من تكون
ومن اى لون أنت !!!
هناك 80 تعليقًا:
كم جميل ان نعرف ما بداخل الناس
لونهم ازواقهم ضمائرهم
كم جميل
ان نعرف معدن كل انسان
كم جميله كلماتك
اخي وصديقي سيد
ابو محمد
وكم جميل مرورك الرائع
دام مرورك الطيب ودامت تعليقاتك
تحياتي
اتبحثين عن لون لحياتى
وانتى كل الوان الحياه
ههههههههه ايه يا سيدى قوس قزح على الصبح صباح تفائل بقى يا أسد شويه
وحشتينى وعوده للالوان بس بقولك ايه ما تغيرى اللهى يسترك دنيا واخره اللون الاسود اطلبى من عم قوس قزح يديكى لون تانى بلاش بمبى بس اى حاجه تانيه
تسلمى يا رودى ويسلم قلبك وعقلك يا رب
انا الالوان تسكننى
فما من لون ميزنى
فاكون الازرق حين احب
واكون الابيض حين ارى لهو الاطفال
والاسود حين اضيع مع الترحال
كل الالوان تلونى
فما من لون ميزنى
--------------------------
صباح الورد يام نور
الله الله الله
ايه المشاعر الملونة دى :)
تصدقى هو نفسه مش هيعرف يرد على سؤالك ده
لان الشخصيات اللى كده مبتقدرش تعرف لونها ايه
تحياتى للبوست الجميل ده
الله على الجمال متألقه دايما
الم تبقى مثل اسمك؟
بلا حروف تزيد ولا تقل
لا يوجد انسان يبقى كما هو مثل اسمه
الانسان دائما يتغير من حال الى حال
وسبحان الله الذى يغير ولا يتغير
تحياتى
حبيبي الأبيض فى قلبه
حبيبي الوردى فى حبه
هو الأخضر فى الحقول
هو الأزرق فى البحار
و الأصفر فى الصحارى والرمال
وأنا من قلبه مثل لون السماء
ومن حبه مثل البحر فى الصفاء
ومن أحلامه تشع منها الضياء
انظرى بداخله وتعلمى
تعلمى معنى النقاء
حبيبي الألوان كلها عدا
الســــــــــــــــوداء
حبيبه قلبي آبي بتنجان
مرورك هو نفسة الوان الطيف السبعه
لكي تحياتي ودامتي لي ودام مرورك
انا الالوان تسكننى
فما من لون ميزنى
فاكون الازرق حين احب
واكون الابيض حين ارى لهو الاطفال
والاسود حين اضيع مع الترحال
كل الالوان تلونى
فما من لون ميزنى
اخى محمود ( رئيس جمهورية نفسي )
لقد اضفت لخاطرتى بل احسنت منها
ولا ادرى مااقوله بعد هذه الكلمات الرائعه
اشكرك يااخى واشكر مرورك
حبيبه قلبي دولي ( قوس قزح )
ربنا يخليكي يا احلي دولي
ودمتي لي ودام مرورك الرائع
كل التحية لكي
بحبك يا مصر
ميرسي اخي لمرورك الجميل
وسعيده بتوقيع اسمك هنا
لك كل التحيه
جميل كلماتك جدا
بالفعل مشاعرنا نسيج من المشاعر الملونه
تحياتى لكى بااحلى بنوته مصريه وسلميلى على بنوتك اوى
وانتى يا رودى
الم تعلمى ما هو لونك
انتى الابيض بنقائه
والاسود فى وقاره
و الازرق فى رومانسيته
والرمادى فى هدوئه
والاصفر فى جنونه
كفاية عليكى كدة
رئيسة حزب الاحلام
منوراني يا قمر وحشتيني اووي
ميرسي لمرورك اللي زي الطيف
عزيزتى نوران
اخجلتى تواضعى وزدتى خاطرتى بكلماتك الرقيقه
دمتى اختا ودام مرورك الجميل
السلام عليكم
لا أعلم أختاه لما عزوفكى عن زيارتى أو ردك على تعليقى
لعله لا يتعدى السهو
عموما
البوست يمتاز بالرقة و التناغم وبساطته فى أنكى لم تطيلى لتجمعى كل الألوان
وهذا ذكاء منكى ألمسه فى تلك التدوينة الرائعة
دمتى بكل خير
السلام عليكم
جميله كلامتك كالعاده
حلوه فكره الالوان
معلش بقى على غيابى فى الفتره الاخيره
حرام يا رودى
الرجالة أصلاً يا ماما عندها عمى ألوان
و بيقولو على الأزرق فوشيا
فبلاش تسأليه
عشان أصلاً هيبقى محرج
و ميعرفش يجاوب
تسلم لسانك
على الرغم من استفسارك النهائي
الا أن تشبيهك للألوان رائع بحق وجميل
لا زلت مبدعة كالعادة في طرحك الأدبي الجميل
تحياتي وسلامي لنور هانم
اهم حاجة ان قلبك الحمدلله مش اسود
وانه لونه من الوان الطيف
اراه ابيض من هنا
دومتى بالخير
حلوه اوي يا رودي
بس تصدقى ساعات كتيره بنكون كل الالوان
انا متهيالي إن الناس كلها بيبقى عندها كل الالوان
الاسود الكئيب......فى لحظات الكآبه
و الأبيض الصافي.....في أوقات الصفاءو الاصفر و الازرق و الاخضر
كل الالوان
انتي عارفه انه فيه علاج جديد بالالوان
يااااه حلو اوي البوست
جميل جدا الوصف رائع حقا هذا الإحساس
يتوه القلب أحيانا فى ألوان الحياه ويتلون ربما بكل الألوان لكنه دائما يتحرك الأبيض مثل الفرسان.
اعتقد جماله فى انه كل الالوان
إحساس جميل كالعادة
بس مين هو
ياترى رد عليكى
هو فعلا موجود
ولا ده خيال
تحياى
لا هتكملي بقى وتجيبي الاخضر بقى
احساس الوان خالص
تحياتي
اول مرة ادخل مدونتك اللى تفوق الهايلة
ربنا يوفقك
ايه علبه الالوان ديييييي
حلوة اوي الفكرة دي خالص
ومدونتك عسولة خالص يا رودي
تحياتي
miro
كلامك رائع اختى ومعبر وصادق وتحياتى على مدونتك الرائعة...
تعرفى :
وأنا أقرأ البوست قعدت أفكر
لون حياتى إييه ؟؟
معرفتش أحدد
بس كل إللى أعرفه إنى بحب اللون البينك جداااا
كلماتك مركزة ,, معبرة
خلتنى أفكر
بالتوفيق دائما
جميلة قوى يا رودى وكل واحد فينا ولونه بقى
تحياتى
عيد حبيبتى قصيدة للشاعر فكرى ناموس
ــــــــــــــــ
اليوم عيد حبيبتى ذى البسمتين
من لى بقرص الشمس ...
أمنحه لها فى لحظتين
هى حلم أيامى الذى ...
يسبى عيونى كلما أغمضت عين
لعب الحياء بها ففاضت عنبرا ...
يبدو على القمر المزين ..
حمرة فى الوجنتين
و إذا تبدى ثغرها عن بسمة ..
رسمت على زهر الحياء..
بخدها غمازتين
أصفى من الشعر المنقح صوتها ..
ولها مع الفجر الندى حكاية من مقطعين
أخلاقها..
أنقى من الشهد المصفى مرتين
وصفاؤها ..
كالبدر أو فوق اللجين
كالشمس أو ..
كالبدر بل ..
قل : بين بين
تأتيك لا تدرى متى ..
تسبيك لا تدرى لأين
وكلامها ..
كالماء يسرى رقرقا ..
فى الراحتين
وشموخها ..
عز النخيل إذا مشت ..
كغزالة تمشى الهوينا ..
خطوتين فخطوتين
كالخمر تسكر عاشقا ..
فى رشفتين
و إذا بكت ..
ينساب در عيونها..
وتفيض سحرا ..
حين تضحك ضحكتين
و عطاؤها..
كالبحر حين تفيض..
تملأ ضفتين
ممزوجة بالسحر..
عطرت الفضا مسكا ..
و إن سلــمتَ ..
وضــأتَ اليدين
ما أخلفتْ وعدًا..
فكل وعودها ...
سلفٌ ودين
فى عيدها ..
يأتى الربيع إذا أتتْ ..
زهراءَ بين فراشتين
فى عيدها ..
ينسابُ بحرُ مشاعرى نغمًا ..
يفيض ..
على اللسان ..
على اليدين .
ــــــــــــــــــــــــــــــ
تحية معطرة ...وبعد أقدم إليكم نفسى فكرى ناموس شاعرمن الدقهلية لى مدونتان على مكتوب وبلوجسبوت الرجا الزيارة ونشر المدونتين بين الزملاءhttp://namous2010.blogspot.com/http://fekry-namous.maktoobblog.com/
مع الشكر والتقدير
وهل فى العشق الوانا ياسيدتى
وهل فى حبى لكى الوان
لا ياسيدتى فأنا لا ارى سوى لونا واحدا
هو لون العشق
لون الحب
لون الهيام
لون الاحلام
لون الحب ياسيدتى
يوم عشقتك لم احسب للالوان حسابا
لم احسب للزمن حسابا
لم احسب للالام حسابا
هل تريدى ان تعرفى ما هو لونى
انظرى الى عيناى ستجدى فيها انتى
انظرى الى قلبى ستجدكى متربعة على عرشه
ممممممممم
الغاليه ام نور
حروفك رااائعه
معبره
تقبلى بضعا من حروفى
وسلمى على عروسة محمود
احمد سكر
فمن اى لون انت
من لون البحر
النقاء
من لون السماء
الصفاء
من لون الليل
الظلام
فمن اى القلوب انت
من الحب
من الحزن
من الامل
من الالم
من اى البشر انت
ام من الملائكة انت
ـــــــــــــــــــــ
ام نور دمتى بكل خير
تقبلى تحياتى
اول زيارة ليا في المدونة
ومن اول وهلة بها
لمحت لها طابع خاص مختلف عن كل المدونات اكيد الطابع دة مش غريب علي ذوق ولا رومانسية صاحبتها
احب كمان اسجل اعجابي بكلامك الجميل
كلمات بها كثير من الاحساس مع اني المح فيها بعض الاحباط
ولكن هي في النهاية ابداع
احييكي علي امتلاك مدونة كهذة
استمعت بوقتي خلال زيارتي الاولي لكي
ومنتظر ان اري لقلمك اثرا في مدونتي المتواضعة
الصيدلي المطحون
خواطر جميلة..عن نفسي بحب الأزرق جدا
تحياتي
رودى حبيبتى
وحشتينى بجد فينك من زمان
انا قلقت عليكى من بعد البوست الاخير وانتى مختفيه
وكمان كان كله حزن كده
انا حتى سالت عليكى محمد قالى بقالك كتير مش بتبقى اونلاين واخدت نمرتك منه بس اتحرجت اكلمك وهو كمان كان محرج وهو بيديهالى لانه مقالكيش
المهم انا اطمنت عليكى انك بخير وان شاء الله ابقى اكلمك لو تحبى بس قلت اقولك الاول
يارب دايما اشوفك بخير كده انتى وبنوتك
سلام
عنوان حلو قوي
وتقسيمة جميلة
عمق كالسواد ، صفاء كالبياض
اجدتي المزج
وشدني جدا تعبير تعثر فيك حلمي
احيكي عليه
حقا حبيبتى الناس الوان
ومن الالوان تنشق ألوان
وما اصعب ان نجد حولنا من لا نعرف له لون ولا نفهمه
كلماتك جميلو ومعبرة
دمتى بخير حبيبتى
سالى
رودى
لا انا عاوز اشوف الدنيا عندك بمبى
بلاش الالوان الغامقة
انا بحسك فى حزن و شجن فى بوستاتك
بس بيكون ليها طعم كده اسبشيل
ربنا يخلى حياتك اسعد بإذن الله
كلماتك رائعة
و عباراتك معبرة
تحياتى
eslam
انتي فين يارودي؟؟؟؟؟؟؟
أية الجمال دة الأسماهيلية هادية وبتخلي الدماغ صاحية ومشعشعة في الخيال العالي.
وما هو سر الأبيض والأزرق والأسود؟
سلام
السلام عليكم
ازيك يا احلي بنوته
البوست بيشع رومانسية
تسلم ايدك وربنا يوفقك دايما يارب
عايز اقول خبر حلو
صاحبنا بتاع لا ديانات لابكاء
خلاص قفل المدونه وبيبيع لب عند كوبري المنيب
تحياتي
العزيزة/ ام نور
كلمات اكثر من رائعة
رقة رومانسية خيال
عميق فى صمتك مثل الاسود
صفى فى حروفك مثل الابيض
حالم فى مملكتك مثل الازرق
تحياتى وتقبلى مرورى
في ال زيارة ليكي اصادف بكلمات رقيقة لاتقل عن رقت صاحبتها تحياتي وتقبلي مروري
الله على كلامك يا اجمل بنوتة
ايه يا رودى الكلام الجميل دة
دة انتى طلعتى حكاية
انا لازم اتابعك بعد كدة على طول
على فكرة يا رودى انا نزلت بوست فيه الصور بتاعتنا
تعالى عندى وشوفيه
عن نفسي حاسس أن كل حاجة رمادي
مفيش حاجة بقت واضحة وسهله
كله ملبد بالغيوم
تحياتي
كل انسان فعلا ليه لون بس كلنا بنميل للون واحد صح
ايه الجمال دا يا بنوته
ليكى عندى تاج
والله كنت عايزه اجيبلك كيلو مشبك ولا حاجه بس لقيت التاج اوفر
تعالى خديه
بنوتة مصرية
جميلة هى توليفة الالوان
اللى عملاها وجميلة حروفك المتناغمة مع معنى الالوان
كم جميل انا يحدد الانسان لونه
وما يفضله من الالوان فى حياتة
كل الاحترام لك
شرفنى جداا معرفتك
تحياتى
نهر الحب
عميق فى صمتك مثل الاسود
صفى فى حروفك مثل الابيض
حالم فى مملكتك مثل الازرق
جميلة اوى
فنانة :)
هو كل الألوان
عشان كده هو انسان
احيانا لانفهمهم
نحيا معهم
ونتساءل
من يكونوا
كلماتك جميلة بسيطة معبرة
تحياتي
فى أول زيارة اجد معانى قد تعبر عن احساس رقيق لقلب يتألم
ويحس كل ما ينبض به القلب وكم اتمنى أن اهدى تلك الى انسان
يعز على قلبى ويتألم قلبى من ابتعاده عنه وكم احسست بكلماتك
ايتها الرومانسية الجميلة قد يكون اول لقاء لكنه بداية مشوار للرومانسية
فى حياتنا
Smilyrose
جميلة أوي بجد
أحلي حاجه فعلا انه مش ليه لون محدد
تحياتي
lyssandra
اية يا بنوتة فينك اية ياستى طمنينا عليكى
الرائعه رودى
يارب تكونى بخير
ايه يابنتى دة كله
ماشاء الله عليكى
مش عارف تعلق واقول ايه بس هى كلمخ واحدة
الله عليكى وعلى احساسك
تحياتى لكى
تحيتي لك
هذه أول زيارة
بجد كلامك عجبني عشان كده هتلاقي مدونتك على المفضلة عندي على مدونتي ياريت تشرفيني
واحد من البلد دي
والله انا مكسوفة منك
انا مقصرة معاك سامحني
وانا لم اقصد اني مردش عليك بس بعدها سافرت ومعرفتش ادخل النت
ومتشكرة جداا لزيارتك لي
ولك كل التحية
ابو حنف
ربنا يخليك وميرسي لمرورك الدائم واعذرني علي تقصيري معاك
لك كل التحية
فاتيما
فعلا عندك حق هما مش عمي الالوان بس بل عمي القلب كمان
لكي تحياتي يا قمر
صاحب المضيفة
ميرسي اووي لمرورك وتعقيبك
لك كل التحية
wanna b a physician
ههههههههه
لا الحمد الله قلبي مش اسود
لسة مش لاقي السماعه ههههه
شكرا لمرورك وتعقيبك الجميل
وحده مفروسة
اول مرا اسمع علي العلاج بلالوان دي
بس تصدقي فعلا طريقة علاج غريبة وشكلها حلوة
ميرسي لمرورك الجميل يا لولو
تحياتي وقبلاتي
بن الخطاب
تعليقك عجبني جداا
ميرسي علي مرورك الجميل
مدحت محمد
ميرسي لمرورك وتعقيبك الجميل
تحياتي
المنسي
هو مين اللي رد ؟
وتفرق معاك هو مين ولا ازاي كان موجود ولا خيال ؟
نونو
علشان خطرك هتكلم عن الاخضر طالما انتي بتحبية
ميرسي يا قمر لمرورك
تحياتي
ابتسم من فضلك
ميرسي جداا وشكرا لمرورك
تحياتي
كراكيب
ميرسي يا قمر وشكرا لمرورك
تخدي تلوني معايا هههههههههه
تحياتي
نهله
ميرسي يا قمر ده بس من ذوقك الجميل
لكي كل التحية
فزلوكه
ربنا يجعل حياتك جميلة وكل لون انتي بتحبية
ميرسي لمرورك الجميل
حلو البينك اووي
ذوقك جميل
ايمن بدر
ايوه كل واحد ولونه
اهم من الالوان هو لون القلب
ميرسي علي مرورك
تحياتي
الشاعر فكري ناموس
كل سنه وحبيبتك طيبة
تحياتي
السلام عليكم ورحمة الله وبركاته
يشرفنى دعوتكم لحضور حفل توقيع ديوانى الاول
اطياف الصمت
وذلك فى الثانى من شهر اغسطس
يوم السبت القادم باذن الله
الساعة 7
بمكتبة طلعت حرب
يشرفنى حضوركم جدااااا
بنوتة هستناكى لانك وحشتينى جداااااا
ما شاء الله كلمات رائعة و جد معبرة
اختي لفت انتباهي تعريفك الشخصي لما كل هذا الياس لمذا لونتي حياتك باللون الاسود انتابني فضول لاعرفك و ارعرف ما قصتك لا ادري لماذا لكن فعلا لفت انتباهي جدا كلامك
وحشتينا اوى اوى اوى
انتى كنتى قمر ومنورة الحفلة
اتمنى نكون اصدقاء
cool blog
See you in these things, I think, I started feeling good!
Personalized Signature:贵州信息港休闲游戏中心,我爱掼蛋网,重庆游戏中心,金游世界视频棋牌游戏中心,南通棋牌游戏中心,贵港热线休闲游戏中心,淮安棋牌游戏中心
مدونه حقيقي ممتاذه
إرسال تعليق