عيد الحب

يــاحبيبــي

هــا أنــا انفـض غبـار السنيـن

والحـزن والأنيـن

لأشغــل نفســي معـك وبـك

وامســك بالقــلم

قبــل أن أحـركـه يحركنــي

لأبحـر به في بحـرك

واحـلق به في سمـائك

فحـروفـي ترقـص مهللـةً فـوق حـروفـي

وكلمـاتي تـزغـرد أمـام عينـي

وجمـل الحـب تحكـي عنـي

تبـوح بسـري

حبيبي

لـوكـان في استطــاعتــي

أن ارسـم قبـلاتـي

عـلى صفحـات أيامك

لتقـرأهـا بشفتيـك

بـدلاً من عينيــك

كـل عـام وأنت وأنا بخير

وكل عام وأنا وأنت نغدو ونسمو بالحب

كل عام وانت وانا بخير

كل عام وأنت وأنا حبيبين

وكل عام وأنا وأنت نغدو ونسمو بالحب

كل سنه وانتم طيبين بمناسبة عيد الحب
4/11/2008

ورجعتلكم بعد طول غيااب.. وحشتوني

وحشتوني مش عارفة اقولكم ايه انا محرجه منكم جدااا



بجد انا متاسفة جدااا علشان غبت عليكم من غير سابق انذار

غصب عني والهي



ومتشكرة اووي لكل اللي سالو عليا سواء برسايل او التعليقات او تليفون



عموما ان شاء الله مش هغيب عليكم تاني وسمحوني اني مقصرة معاكم



والله كانت ظروف اقوي مني



عموما انا هزوركم واحد واحد

ومعايا شيكولا وحاجات حلوة كتير


بحبكم في الله



رودي

اللقاء الثاني بيوم التبرع بلدم

بجد مش عارفة اقولكم ايه وحشتوني جدااا





وسمحوني اني مقصرة معاكم بس والله ظروفي ملخبطة خالص





بس والله علطول في بالي وربنا يكرمها آآآبي هانم بتنجان بتقولي اخباركم





وبتقولي اخر اخبار المداونات مش عارفة اقولها ايه البنوته دي





وكمان بشكر كل شخص سال عليا او كلمني في التليفون





انا اهوو زي القطط بسبع ارواح المهم نيجي بقي للمهم








الحملة الخيخيه الثانية بيوم التبرع بلدم واللي بتنظمها خيخه











ان شاء الله يوم الجمعة أول أغسطس الساعة عشرة صباحا


قدام هيئة المصل واللقاح فى الدقى


51 ش وزارة الزراعة


وبعد كدا هنروح علي نادي الزراعيين


علشان نحتفل باعياد ميلاد المدونين


سوو


لماضة

الدعوة عامة وعاوزين نبقي لمه كدا

ومزيد من التفاصيل عند خيخه

وهناك هي كاتبة رقم تليفونها

وعند فاتيما كاتبة هي تفاصيل كتيرة عن المكان وعن الحملة

اروح انا بقي الف عليكم واسلم

لكم جميعا كل التحية

رودي

ملحوظة صغننه

العمل ده لم نتقاضي عنه اي مبلغ وهو عمل خيري مش اكتر

الكلام ده للناس اللي مخها متركب شمال

الـوان الطيف السبعه

مالونك؟

لون الغيوم القاتمه

ام لون السحب البيضاء

ام جمعت كل الالوان

اراك كل الاطياف

بكل الموجات

بكل الدرجات

بكل اللغات

اسمعك تئن

اراك تضحك

انظرك تلهو

احسك تبكى

ماانت ؟

نسيج من المشاعر الملونه

ام اسير لون يضيف كل يوم اخر

عميق فى صمتك مثل الاسود

صفى فى حروفك مثل الابيض

حالم فى مملكتك مثل الازرق

الم تغير من لونك؟

الم تبقى مثل اسمك؟

بلا حروف تزيد ولا تقل

بلا معانى اخرى مثل صمتك

بلا شفق يغير من صدقك

احتار فيك قلبى

وتعثر فيك حلمى

وبت لاادرى من تكون

ومن اى لون أنت !!!

أرجوك لا تغيب

مُكبلٌ



أناديهِ



لا يجيبْ



ابي ... انظر الي



وعيونه مغرورقةٌ لا تُجيب



فيها لومٌ على السنين



بلغتهُ سلامَ أمي



عاتبني بعينيه اني سأغيب



رجوتهُ



عد إلينا



أرجوك عن حياتي لا تغيب



روحك تسكنُ أرجاء البيت



فكيفَ عنه تغيب



يرجوني بعينيه فكي أسري



أزيلي القيد حول عنقي



لا اقوى يا أبي



وأديرُ ظهري وأبكي



२४/११/2006

امراة تهواه

يبحث عن امراة تهواه

وكان فيض اشعارى ينساه

و لا يدرى انه شمس ليلى

وان احلامى لا يسكنها سواه

و يبحث عن امرأة تهواه

و كانه ليس كحل عينى

وكأن قلبى يوما سلاه

ورذاذ من عطرى انثره

و ثوب رائع حين القاه

و يبحث عن امراة تهواه

و بحر عمرى هو مرفأه

و كيانى ارضه هو وسماه

و ينكر رعشة صوتى

و عيون لاتبصر سواه

و يبحث عن امراة تهواه

انى الف اهواك يا رجل

لازال يبحث عن امرأة تهواه

دعوة عامة للبنوتات فقط

ازيكم يا بنانيت بلوجر
وحشتونىىىىى جدااا وعلشان كدا
قررنا نحن انا وخيخه

هنعمل اجتماع للحريم فقط
وسوف يحضرة مجموعه من الحريم ( لسة مش عرفين مين جاي )
ومنظمه هذا اللقاء الاستاذه الدكتورة خيخه واي كلام
استاذه ورئيسة قسم والخبيرة
والحاصلة علي شهاده من المطبخ العالمي في امريكا في كيفية عمل الفول بلزيت الحار
والحاضلة ايضا علي الجائزة العالمية من منظمة اليونسكو
في ركوب الشباك حصان وغسيلة وتنظيف السجاد ومسح الزجاج النيش من غير ما تكسري فنجان او كاس
وسوف تعرض لنا جدول اعمالها والذي تناقشة لنا في هذا اللقاء ويتضمن كالتالي
كيفية عمل صنية مكرونة بالباشميل
كيفية نزع الشعر بدون الم
تعويد المحروس او المحروسةانه يقعد على البوتى ( البوتى يعنى القصرية) علشان يعمل بى بى
اضمن واحدث وسائل منع الحمل
ووسائل الدفاع عن النفس فى حالة التعرض لاى معاكاسات
وايهما افضل الطبيخ بالزيت ؟ ولا بالسمنة ؟
الفرق بين السمنة البلدى والسمنه النباتى
فوائد الرضاعة الطبيعية ومضار الرضاعة الصناعية
كيف تصبغين شعرك دون اللجوء الى الكوافير
كيفية عمل ماسكات لتفتيح لون البشرة
كيف تنظفين التلاجة والبتوجاز
وبخبرتها الخيخية هتشرح لنا ازاي نعكنينين على زوجنا
واللقاء هيتضمن ايضا بعض النميمة على الازواج والحموات الفاتنات
وسوف تشرح لنا الاستاذه والدكتورة خيخه واي كلام
كيف تكونين خيخة فى عشر خطوات
وهيتضمن هذا اللقاء نصائح لكل البنوتات المقبلين علي الزواج
وعلي رائسهم البنوته الجميلة آبي هانم بتنجان
وكلنا بعون الله ربنا يقدرنا ويقدركم في فعل الخير يارب هنوصيها و نقولها الوصايا العشر
ازاي تدبح له القطه من اولها
كيفية التعامل معاه في فتره الخطوبة
كيفية التعامل مع حماتها
ازاي متخليش معاه ولا مليم بعد الزواج
ازاي تعمل له البوز المعتبر والوش الخشب
شرح لها مثل ابنك علي ما تربيه وجوزك علي ما تعودية
ازاي تخنصر من مصروف البيت من غير ما يعرف
كيفية تطفيش حماتها من بيتها لما تيجي تزور ابنها
ازاي تضحك عليه وتخلية ينفذ لها طالبها
وهنشرح لهم ايضا تعريف كلمه زواج والتي تتطمن في بعض النقط من
حمل
ولاده
رضاعه
دول كافلين باني البت تتعقد وترجع لعقلها ههههههههههه

يعني من الاخر كدا
ربنا يعينا كلنا ونعقدهم يوووو اقصد نوعيهم دول غلابة مدخلوش دنيا برضه (@_@)

والحمد لله تم تحديد المكان المناسب لهذا اللقاء الحريمي
العنوان نادي المهندسين الزراعين بلدقي
شارع نادي الصيد ـ الدقي ـ الجيزة
الساعه العاشرة صباحاً ياريت محدش يتاخر ( الرجال يمتنعون )
بلنسبة للستات المتزوجين ياريت يجيبو اولادهم علشان
نور بنتي وشريف ابن خيخه ويوسف ابن دوبا
يلاقو حد يلعبو معاهم

وطبعا الدعوة عامة
لكل الحريم
والرجال يمتنعون

اتنين في واحد

طبعا انا اول مرا اجاوب علي تاج والمرا دي جالي تاجين مرا وحده

من اعز اتنين انا بحبهم وبحب اتابعهم بستمرار
التاج الاولاني جاني من صديقي المدون

wanna b a physician

والتاج التاني من اختي وصديقتي

• فاتيما حبيبه قلبي
  
  طبعا ده تعريف بسيط عني
  
  رودي طبعا ده الدلع بتاعي سواء باسمي اللي في شهاده الميلاد او باسمي المشهورة بيه رودينا
  اسمي اللي في شهاده الميلاد محدش بيناديني بيه لدرجه اني احيانا بنساه هههههههههه
  
  التاج الاول
  اذكر عشر اشياء عن نفسك ؟
  
  مسلمة الحمد الله ، محجبة ، متزوجه ،و ام ايضا لطفه امورة وشقية اسمها نور

بحب الاصدقاء وبعتز بصداقتهم دائما ولكن مقصره احيانا معاهم

هادية جداا وعصبية اووي عاقله جداا ومجنونه ومهوسة

طيبة جداا وايضا قاسية القلب قد اكون حنونه لم انسي الاهانه بسهوله

ومرحه ولزيزة بحب الضحك وحزينه ايضا وانطوائية معظم الوقت

ومتوضعه جداا ولكنني مغروره عندي ثقة في نفسي

اجتماعيه وبحب الناس ولكنني احب الهدوء والجلوس بمفردي

شخصيتي قوية جداا ، لئيمه ، عنادية ، راسي ناشقة متفائلة ويائسة في نفس الوقت

نشيطه ، طموحه ، صريحة ، غامضه لابد الحدود ، ذكيه جداا واوقات بكون غبيه

منظمه جدااا وفوضاوية الي اقصي درجه رغاية اووي وصمتي اكتر

التاج هابعته خمسة لمين اممممممممممممم

وحده مفروسة

قوس قزح

سكر

رئيسة حزب الاحلام
د/ اجدع بنوته

بلغ اللى بعتهولك بانك تنزله رد في المداونته


حاضر جاري تنفيذ الطلب فورا

********************************************************

نيجي علي التاج التاني

تاج الاحلام علي رئي فاتيما



أذكر 5أحلام تخص ماضيك
كنت هتتخلى عن إيه فيها و هتتمسك بإيه لحد دلوقتى


كنت بحلم اني اعيش مع بابا وماما وانهم ميكونش منفصلين واتربي في وسطهم

الحلم ده هيفضل حلمي الماضي والمستقبل
وبجد نصيحه مهمه لي كل ام واب متخلوش الانانية والعناد يجي علي سعاده اولادكم واديهم الحق انهم يتربو في وسطكم زي ما انتم اتربيتو وسط اب وام وزي ما بيشوفو من اصحابهم واقاريبهم (-_-)0

كنت بحلم بقصه حب جميلة اووي ونعيش انا وبطالها اعنف قصه حب بس كانت فيه حاجه جوايا بتقولي اني الدنيا مش هتديني اللي بتمناه وانها هتنتهي قصه الحب دي زي فيلم حافية علي جسر من الذهب واللي بتموت البطله في سبيل سعاده ومستقبل حبيبها او فيلم حبيبي دائما واني اموت من مرض واشوف دموع الحب والحنية في عين حبيبي او زي قصه غاده الكامليا اللي بتكون ضحية ابوها وبتتظلم في حياتها وبتموت برضه ومش بتتجوز حبيبها

مش بقولكم نكادية وحزينه من يومي(^_^)0

كنت بحلم اني اطلع مضيفة والف العالم كلة واخد بابا وماما معايا كل سفارية واتجوز الطيار ونخلف طيارين ومضيفات ونستغل مصر للطيران لحسابنا (*_^) 0

كنت بحلم اني اتجوز اول حب في حياتي و خطيبي الاولاني كنت بحلم اننا نفضل مع بعض دائما

وكان نفسي يحارب الدنيا كلها علشاني زي ما حارب عنتر وقف وحارب علشان خاطر عيون عبلة بنت عمه وعموما الحمد الله اكيد ربنا كان شايف ليا حاجه احسن وربنا مش بيعمل حاجه وحشة وقدر الله مشاء فعل مفيش نصيب

بس الحمد الله دلوقتي مبسوطه وسعيده بي ابو نور وربنا يخليه ليا يارب انسان بيحبني وبيخاف عليا امسكو الخشب او قولو بسم الله مشاء الله (*_*)0

بحلم كمان لما كنت بسافر الاسكندرية مع بابا في الصيف ولا اسافر عند ماما الكويت كنت لما اقعد علي البحر احلم اني انا وحبيبي بنبص للشمس ساعه الغروب وكان نفسي بقي اتصور صورة الشمس ما بينا زي بتاعت كروت الحب دي عارفيها اكيد (@_@)0


أذكر خمس أحلام تخص مستقبلك و ما تتمناه منه

بحلم اني نور بنتي ربنا يخليها ليا وتتعلم تعليم كويس و تكبر وتكون انسانه كويسة ونافعه وتكون حنينه عليا انا وباباها واشوفها عروسه واشوفها مستقره في بيتها وام صالحه 0
بحلم اعيش في هدوء واستقرار مع جوزي واكمل المشوار وانجح فيه

ومجربش تجربة بابا وماما ومهما حصل منه استحمل واخلي المركب تمشي علشان خاطر بنتي والكلام ده لوحده صحبتي هي عارفة نفسها كويس
(*_^)
بحلم اسكن في مدينه جديده وتكون مدينه حلوة وفيها حدائق كتيرة علشان نور تلعب فيها بلعجلة بتاعتها وتكون بعيد عن الدوشة والدخان واي حاجه تضر بصحته بنتي ويعيش فيه كل الناس اللي بحبهم وميكونش فيها اي شئ يزعجنا ونعيش في هدوء واستقرار

بحلم اني زمن نور بتني يكون احسن وانظف من الزمن اللي احنا عايشين فيه ده علشان مش تتعب في حياتها وتشيل الهم زينا وتعرف تعيش في البلد اللي كلنا بنحبها وتفتخر انها مصرية واني مصر ميكونش فيها اي نوع من انواع الظلم والقهر اللي بشوفه دلوقتي ويكون فيه امان واستقرار وميكونش فيه اي حروب وتعيش في سلام تام هي وكل اطفالنا
بحلم اني ماما ربنا يشفيها ويديها الصحه وتفضل معايا علطول واكون بس يتيمه الاب لاني مش هعرف بعد الشر هيحصلي ايه لو جرا لها حاجه وكمان اني انا واخواتي سواء من ماما او من بابا يكون حنين واني الزمن والفلوس ميغيرهمش ونفضل كدا حنينين وكويسين مع بعض

اصل مفيش بعد الام والاب ربنا يخليهم لكم ومتتحرموش منهم ويرحم اللي مات منهم


أذكر شخصين - على الأقل - متواجدين فى حياتك كنت تتمنى وجودهم من قبل
نـــــــــــور *

لاني مش هعرف اعيش من غير وجودها في حياتي ربنا يخليها ليا يارب ويحميها ويديها طولة العمر وبحمد ربنا علي النعمة اللي رزقني بها

مداونتي *

لاني اتعرفت من خلالها علي اصدقاء كنت اتمناه اعرفهم من زمان وربنا يدوم المعزة والمحبة اللي بينا ونفضل كدا اصدقاء علطول
أذكر شخصين - على الأقل - غير متواجدين فى حياتك و تتمنى وجودهم مستقبلا فى حياتك و حياة أولادك
بــــابــــا *
كنت اتمناه وجود بابا جمبي ويشوف بنتي بتكبر وبتقوله يا جدو الكلمه اللي كان بيحلم بيها ومات قبل ما يسمعها ده مش اعتراض علي حكمة ربنا ولكم مجرد حلم

خــلـود *

صديقتي خلود الكويتيه دي اعز صديقة ليا وصديقتي الوحيده طول فتره اقامتي مع مامتي في الكويت ومكنتش متخيلة اني هبعد عنها ومش هعرف اشوفها كنت اتمناه نفضل مع بعض علطول وتشوف بنتي واشوف اولادها ربنا يسعدها يارب والحمد الله اني بسمع صوتها وبكلمها وبتكلمني .

دول بس الناس اللي افتقدهم بغيابهم عني لكن ربنا ما يحرمني من الناس اللي حواليا واللي بحبهم يارب

اخيرا لمن تهدى التاج
سووو عم الشباب والرياضه
آآبي وحديقة الحيوانات بتاعتها هههههههههه
خالو احمد الصباغ
wanna b a physician
واحد من البلد دي
وكل واحد او وحده نفسة في التاج يتفضلوه ميغلاش عليكم

يااااااااااه التاج ده صعب اووي في اسئلته فضايح يعني ههههههههههههه


تحياتي لكم جميعا

رودي

أجمل يوم في حياتي

بصراحه من كتر التغطية اللي شوفتها عند اصدقائي محتارة اقول ايه ولا ايه
اليوم كان جميل بكل المقايس وكنت مبسوطة اووي والناس فرحانه وسعيده
اول مرا اشوف الحب والموده والصداقة والاخوة دي
بجد انا فخورة اني من المداونين المصرين وفخورة اني بينكم وبينا الاحترام والحب والموده والخوف علي بعض كدا
هكيلكم بقي اليوم بدا معايا ازاي من اوله
اليوم بدا اني قمت مبسوطة ومستنية الساعه تيجي 6 علشان انزل واشوفهم بفارغ الصبر

والحمد الله اليوم عدي بسرعه وجيت انزل طبعا بنوتي حبيبه قلبي شبطتت فيا لبستها وجت معايا

رحت علي المكتبة وانا مبسوطة اني هشوف ناس كتيرة اول مرا اشوفهم

طلعت علي السلم لقيت بنات وشباب كتيرة علي السلم وزحمة يا دنيا زحمة

دخلت وسلم علي ابراهيم عادل ( مداونه انا وانا ) واشتريت كتابه طبعا المسحوق و الارض الصالبة
وكمان لقيت ناس اول ما شافتني خطفو مني نور علطول طبعا خاطيبها الرسمي

عم الشباب والرياضة سووو ( عجوز وعنده 30 سنه )0
وبعد كدا لقيت ( آآبي هانم بتنجان ) ماسكه خطيبها ( اسلام ) يا حبة عيني ومسكه ودنه رغي رحت قولت لها طيب ممكن اسلم ورخمت عليها ورخمت عليا راحت نور بنوتي اخدت حقي ولزقت فيها وفضلت شيلاها علي قلبها وبتلعب في اي حاجه هي لبساها ربنا يسعدها ويوفقها مع خطيبها البت دي بحبها اووي لانها طيبة وحبوبة وخدومه اووي
وطبعا سلمت علي فاتيما واخذتني بلحضون بتاعها الجميل الحنين وسلمت علي نورونورالحقيقة كانت رخمة اووي لانها كانت لسة صاحية من النوم فكانت بتتقل علي فاتيما
وبعد كدا آبي اخذتني وعرفتني بابونا كلنا ( ابو خالد ) وبجد انا حسيت انه فعلا اب لينا كلنا انسان بسم الله مشاء الله وشة كلة نور وايمان انسان محترم جداا وطلب مني اقوله يا بابا وبرغم الكلمة صعبة عليا لكن هو يستاهلها وربنا يدوم عمرة ويخليه لي اولاده ولينا
بعد كدا جت سلمت عليا سحر ( مداونه مفقوعه مرارتها من حماتها ) والحقيقة لقيتها حاجه كدا صغننه ورقيقة ومن هنا بناشد فيفي تخف علي البنية شويا البنت هتختفي من فقعتها من فيفي .

بعد كدا جت حبيبه قلبي اماني ( اخر العنقود ) وشدتني من ايدي وعرفتني بشخصية محترمه جداا بعتز بصدقتها اخي آنس ( صاحب المضيفة ) طبعا التخمين في اليوم ده مش بينجح بنسبة كبيرة لان كل التخيلات اللي كنت متوقعاها كلها مش مظبوطه واني لقيتهم غير كدا وطبعا للاحسن وسلمت علي اخوها الدكتور محمد ( دكتور حر ) انسان في غاية الاحترام فعلا علي رئي البت خيخه انها حقا عائلة محترمه

وطبعا كان نفسي اشوفها بس كالعاده طلعت خيخه ومجتش وبعتت ليا رسالها بتعتذر وبتبلغ اعتذارها للجميع

وطبعا شوفت واتعرفت علي اخي احمد (سكر ) انسان محترم جداا ربنا يخلية لي اولاده ، وكمان سلوي (رئيسة حزب الاحلام ) ونونا (كلاكيت تاني وتاني ) اتنين بحب اتابعهم طبعا سلوي اول مرا اشوفها انسانه محترمه خالص وحبتها اكتر ونونا شوفتها قبل كدا مرا بس محصلش نصيب وقعدت معايا كتير
وطبعا باركت للعروسين احمد الجزاوي وشاهندا علي خطوبتهم وعقد قرانهم ووعدونا بانهم هيعزمونا في الزفاف ان شاء الله
وسلمت طبعا علي هيثم الدهشان وكمان شوفت احمد الصباغ وكاالعاده بيصور وبيعمل التغطية طبعا الناس كانو كتير وزحمة اووي سلمت عليه بلمشاورة

ومحمود الدوح (ميدو في الادغال حاليا) ومحمد (ابن الحجر العسقلاني ) وسوووو كانو في البلكونه من كتر الحر وطبعا رحت لهم انا وفاتيما وشوفتهم هيروحو البورصه ولا لاء وطبعا كان سوووو عامل مفاجئه لفاتيما وقايلي عليها علي المسنجر اننا هنحتفل بعيد ميلادها

وطبعا اتعرفت علي انسانه انا مبسوطه اني شوفتها واتعرفت عليها داليا ( قوس قزح ) ام نور انسانه جميلة وعقلة جداا وحنينه اووي ربنا يخليها لي ابنها يارب
وسلمت علي مايكل وطبعا انا شوفته قبل كدا في التبرع بلدم انسان جميل وطيب اووي
ووسالت علي مروه ( لماضة) وطبعا قالولي هتلاقي حاجه كدا سفروته وصغننه المهم دورت علي وفي الاخر وصلت لها سلمت عليها والحقيقة هي هادية جداا ورقيقة جداا وبتتكسف برغم لماضتها اللي بنشوفها فعلا سعيده اني شوفتها وابي وفاتيما جم قعدو معانا

وسلمت كمان علي الاستاذ احمد القاضي (يا مركبي ) وطبعا انسان غاية في الاحترام وشخصية الواحد يفتخر بيها برا مصر واللي جيه مخصوص من السعودية وشنطته جمبه الله يكون في عونه ويوصلة بلسلامه ان شاء الله
قابلت كمان شريف (سيبو في حاله ) وهو صديق احمد الصباغ في الشغل انسان محترم جداا الحقيقة وطلع من الاسماعليه بلدي التانية

وطبعا انا من اول ما وصلت وانا نفسي اشوف داليا ( اهو ده عيبة ) سالت عليها سوووو وآبي ولقيتها وسلمت عليها وطبعا كنت شايلة معايا سلامات من صديقنا المشترك محمد ( الواد الشقي ) واللي عرفته ببلوج وهو عرف داليا الموقع واشتركو الاثنين في بلوج شوفتم النصيب في الاخر نتجمع كلنا وكل واحد من محافظة ، الحقيقة كنت رسمه لها صورة وطلعت احلي من الصورة بكتير انسانه جميلة وهادية ورقيقة وكنت مبسوطه بيها جداا لاني معجبة باسلوبها جدااا واخذنا طبعا احنا البنات ارقام بعض علشان يكمل التواصل بينا

طبعا كان نفسي اتعرف علي ناس كتيرة بس معرفتش الدنيا كانت زحمة اووي والجو حر ونور معايا وكمان المفروض اننا هنروح علي قهوه البورصة علشان عيد ميلاد فاتيما

ورحنا علي البورصة أنا وداليا وسحر وسلوي و نيرمين وسوو وابي مشيت مع خطيبها اسلام

ووصلنا هناك وكانت المفاجئة انهم كلهم جم علي البورصة وكان يوم جميل جداااااااااااااا

وقابلت هناك الاستاذ محمد علي ( يوميات عيل مصري) وانا سعيده جداا اني اتشرفت بمعرفتك وكان نفسي اتعرف علي حضرتك من زمان مع الصباغ

وكمان قابلت شخصية جميلة جداا وسعيده اني شوفته هو خالد (همس الاحباب)0

وكان نفسي اقعد اكتر من كدا واتعرف علي كل من
الاستاذ محمد شلبي ( عصفور المدينه) والاستاذه ايناس لطفي والاستاذ ايهاب عمر (مداونه ايهاب عمر ) والاستاذ محمد مفيد والاستاذ احمد البوهي والاستاذ احمد مهني وشيماء الجيزي واللي كانت بدور عليها داليا اهو ده عيبة وملحقتش اشوفها ولا اتعرف عليها .

انا سعيده باليوم ده ونفسي بجد يتعوض ويجي فيه كل اللي مقدرش يجي زي خالتى فرنسا ربنا يشيفيها يارب ويرجعها لنا بلسلامه و عبده الرايق و بطوط وخبيب و دوبا و كاميليا و خمسة فضفضة ومونا ليزا و قطة الصحراء و الطائر الحزين و برقش والبت خيخه ومحمود ( رئيس جمهورية نفسي اللي كلمته علي موبيل آآبي وسلمت عليه وفرسته شويا وكان نفسة يجي بس ظروف شغلة بقي الله يكون في عونه ، كان نفسي لولو (وحده مفروسة ) ناس ناس كتيرةكان نفسي اشوفهم سمحوني لو كنت نسيت حد

بجد مش عارفة اوصف سعادتي لما شوفتكم

ياريت كل واحد من اللي شافني يقول ايه الصورة اللي كانو رسمينها غير اني نكادية وحزينه ههههههه

بحبكم في الله

رودي

وحشتيني يا فرنسا

للمره الاوله بغير طريقة كتابتي


اول مرا احس بالاحساس ده واني فعلا مفتقده شخص واني اعرف اني بحبه اووي كدا

فرنسا غابت عنا بدون سابق انزار سابت لنا رساله مبهمة مش فاهمين منها اي شئ

ومش عارفين هي زعلانه من ايه اي ظروفها ايه اللي بتفكر فيه

سابتنا واحنا مشغولين عنها وبنفكر هي فين وفيها ايه

انا عارفة انها بتدخل وبتشوفنا واحد واحد

لانها بتحبنا زي ما بنحبها

وانا حاسة انها بتيجي عندي لان كلامي وحشها

قولت اقولها كلام عوزاها تعرفه وتحسه

اني بحبها اووي

مفتقداها اووي

وخايفة عليها اووي

وعوزاها تيجي وتنور البوست بتوقيع اسمها عليه

ده كفايه عندي انها بس تيجي وتقولي شكرا

بس اعرف انها بخير

انا عارفة يا فرنسا انك مش انانية

وانك بتحبينا زي ما بنحبك

واننا صعبانين عليكي

وهتقدري قلقنا وخوفنا عليكي

وهترجعي مش كدا

وحيات اغلي شئ عندك

تطمنينا عنك

وتنورينا من تاني

عارفة وحشني منكفتك مع عبده الرايق

وكلامك اللي كلنا بنحبة والمداونه المضلمة من غيرك


مش عارفة اقولك ايه تاني
غير
















بحبك وارجعلنا ونورينا من تاني

اختك
رودي

رثاء من قلب

إجتمعت الظروف ضدنا

وتأمر الزمن علينا

وذهب كل منا في واد

ومن يري منا الأخر

يكفي أنك في دمي تسري

في عروقي واوصالي

الهوا هو انت

وشمس النهار

أذن فكيف أن انساك

حبيبي ليس هذا وداع

اًبل أذكرني كلما مر طيفي بذكراك

رودي

كل سنه وانت طيب يا ريس

القصيده دي لعمنا احمد فؤاد نجم

هديه لسياده الريس في عيد ميلاده الثمانين

كل سنه وحضرته طيب

(*_^)

سيدي الرئيس

في عيد ميلادك التمانين

كل سنة وانت طيب

واحنا مش طيبين

كل سنة وانت حاكم

واحنا محكومين

واحنا مظلومين

واحنا متهانين

ويا تري يا حبيب الملايين

فاكرنا ولا احنا خلاص منسيين

فاكر المعتقلين

فاكر الجعانين

فاكر المشردين

فاكر اللي ماتو محروقين

فاكر الغرقانين

الله يكون في عونك - ها تفتكر مين وللا مين

في عيد ميلادك التمانين

بقول لك كلمتين
الأوله

شيلتنا طين

وهل تعلم أن النيل بقي رشاح

والجو أصبح بيئة والعيشة ولعة

والشرفا قلوبهم عالبلد والعة

وانت عاملهم مذبحة ولا بتاعة القلعة

والإقتصاد سداح

والسرقة بقت كفاح

ومصر متاحة بس للسياح

وعرض البلد بقي مستباح
والثانية

ورتنا الويل

دا الخطوة في عهدك بقت ميل

والضحك بقي نواح وعويل

والكوسة

عارف الكوسة

ممكن أقول لك فيها مواويل

والجامعة بقت يا إما كباريه أو دار مسنين

والشباب معظمهم من غير خمرة سكرانين

والعلم عز علي المتعلمين

والأساتذة بقم دجالين

والقادة بقم طبالين

واديني في الهايف يا حبيب الملايين
والثالثة
عارف اليابانيين

زمان في سنة اتنين وخمسين

كان عندنا تروماي وكان عندنا علم ومتعلمين

وثقافة ومثقفين

وأدبا وعلما وفنانين

وكانو اليابانيين

بالنووي لسه مضروبين

وللصدقة مستحقين

دلوقتي إحنا فين وهما فين

هما فوق واحنا في أسفل سافلين
والرابعة
أمن بلدنا بقي تنين

والمحاكم اتملت مظالم

والعدالة بقت كمالة

وكلمة الحق في الزبالة

وأصحابها في الزنازين

والخامسة

القطاع العام

عاموالفساد

سادوفي جتة بلدنا بيرعي

أفتكر لجنابك إيه وللا إيه

وكل ذكري ليك بدمعة

آآآآآآآآه آآآآآآآآه

أنا كنت حالف ميت يمين

أكملهم لك تمانين

بس ها كفيهم ورق منين

وكل سنة وانت .............

واحنا طيبين

الفاجومي عم أحمد فؤاد نجم

هذيـــان....لا ادرى؟

امسكت قلمى

ملئت حبرى

دنوت كتابى

لاحرف ينطق

لا نور ارى

صمت قلمى

ضاقت نفسى

بما لا تدرى

رميت قلمى

ووقع حبرى

طفت المم جرحى

أقصد حبرى

وجلست ابكى

على نزف لا يشفى

وعلى نفس بلا درب

وجففت دمعى

وعاودت قلمى

سرعان مانطق حرفى

جائنى بعد بكائى يجرى

قد اشفق عليا من يأسى

ولم يشفق عليا زمنى

RodY

أقرء وتمعن رسالتي هذه

أقرء وتمعن رسالتي هذه

ماذا أكتب لك ؟؟

ماذا أحكي لك ؟؟

أأتفوه بشئ يسبب لك الألم

أخاف أن أحكي لك مما يجول بخاطري فتصعق من الفكرة

بداية احترت أين أكتب هذه الكلمات ؟؟

أأحلق فوق السحب .......؟؟

أم أستلقي على سريري ؟؟

أم أجلس على الكرسي ؟؟

لاأعرف فما سأكتبه صعب صعب جدا

ورقي دفتري هذا لايهدؤن

والكلمات مزعجه

وقلمي حاد الطباع عصبي

لا أعرف أن كان قلمي يعرف ماساأكتب بحبرة

عزيزي

حبيبي

يامن تكن لي أجمل المشاعر

انساني

رغم لطفي وجاذبيتي

انساني

رغم طيبتي وعصيبتي

رغم عنادي وغرابه تفكيري

انساني

رغم مزاجيتي العجيبه

انساني

يامن اجسد لك فتاة احلام

زوجه مستقبل

وجدة لاأحفادك

انساني

رغم ابتسامتي العذبه الجميلة

انساني

رغم عيوبي الجميلة

انساني ........لا

ليس لأني لا أجيد الطهي

لكن أريدك أن تتعلق بي أكثر وحذرتك قبلا

انساني

رغم شبهي بك وغرابة تصرفاتي

انساني

رغم حمق تفكيري

انساني

ولاتذكر شئ من كلامي المعسول

ولامن ضحكي وبكائي في آن معا

لاتذكر شيئا من حسن تصرفاتي

أدفن صورتي بالتراب

واضرب بذكرياتي عرض الحائط

ولا تتذكر مني سوى صراخي عليك

واغلاق السماعه بوجهك

وصراخي عليك دون سبب يذكر

أخبرتك لا تحبني

حاول ولن تندم على محاولتك

فنسياني نعمة

لن تشعر بها الا عندما تنساني

رودي

سامحني

أعرف بأنك تبحث عني

وأعرف بأنك تجوب كل البلدان بحث عن تراثي

وأعرف بأنك تنظر في كل الوجوه بحث عن جزء من ملامحي

وأعرف بأنك تطرق أذنيك ناحية كل صوت عذب لعله يوما يشبه صوتي

وأعرف بأنك تخرج كل ليلة ليداعب الهواء وجنتيك لعله يوما مس وجنتي

وأعرف بأنك تحلم بي كل ليلة وتستيقظ من الحلم على أمل ان أكون كما في الحلم

أو أجمل من الحلم أو اقل من الحلم

وأعرف بأنك تملآ في كل صباح الوعاء بالورد وتتمنى لو تمس يدي هذه الورود

وأعرف بأنك ترسل الورد بالبريد في كل صباح ناحية المجهول

وأعرف بأنك تهواني

وأعرف بأنك تهوى الأرض التي تطأ عليها قدمي

وأعرف بأني أغلى أمنياتك بل كل أمنياتك

وأعرف بأني باني أسكن خلدك

وأعرف بأني أشل تفكيرك

وأعرف بأني الأولى والأخيرة في حياتك

وأعرف بأني النجمة الوحيدة في سماءك

وأعرف بأنك تصلي في كل ليلة وتدعو بان يقل غروري ويزداد عمري

وأعرف بأنك ستسعدني

وأعرف بأنك لن تنساني

وأعرف بأنك ستبكيني طول العمر

لكن سامحني لست أنت من أريد

رودي

أغسطس2003

رجـــل بـــلا قــلــب

سعيت لان اجردك كبريائك وقسوتك

كنت اعلق امال في ولادة انسان اخر في داخلك

حاولت ان ابدل قسوتك بفراشة تسبح في دمي

وزهرٍ يتسلق على اكتافي

ولكن... فشلت في اعادة بناءك

وانت تمسكت بغرورك

تمنيت لو ان اسمي توقيعا على كتاباتك

وحروفها تشغل كل حيزاُ في فراغك

انا امرأه مفضوحه الكلمات

لااستطيع ان اخفي قصيدة حب في اعماقي

ليس من عادتي ان اشعل بداخلك عود ثقاب لتغار علي

لااستطيع ان امارس عليك الرقابه

ولا ان اطلب منك ان تقدم لي كشف حسابات علاقاتك السابقه

ولا اريدك ان تكتب لي القصايد والاشعار

وان تلقي بالنثر على مسمعي وتجعلني اخطو عليه

لاتلقبني بمحبوبتك

او حتى ملهمتك

لايروق لي ان تتغزل بجسدي

وتعزف بأهاتِ الحاناُ لبتهوفن

لااريدك ان تجعل لي البحر نبيذاُ احمر

او تجعل من خيوط الشمس عقداُ لازورداُ حول عنقي

لا ولا ولا

لااريد ان اكرر ماضي كان لك

لذا... سأستقيل من عالمك ...اعذرني

فقلبك ياسيدي لايعرف للحب طريق

لانه معجون بفتات الصخر اليابس

رودي

ابريل 2003

أمـــــــــــــي

لماذا

تملك احساس تجاهها

لماذا

تحن اليها وانت كنت تتنفس هواها

لماذا

صغير انت امام كيانها ونقائها

لماذا

لا ينافسها بالوجود انوثه رغم كبرها

لانها هي الام

حب زرع في خلقتنا

لانها الام

نور وبهاء ما طال بنا عمرنا

لانها الام

همسه اذن رقيقه حنونه

لانها الام

وكم تعني هذه الكلمه من معاني

ايتها الانسانه

مالي لا اجد بك الا

مالي افتخر بك بكل حياتي بواقعي وحتى الخيال

مالي اسكنك ارفع الرتب واكللك اجمل عناقيد

مالي اهواك دون توقف ودون ملل يعتري قلبي

ايتها النظره الساكنه اعماق قلبي

ما اجمل لحظات النظر اليك

ما اجمل ان استنشق عطرك وهواكي

ما اجملني حينما اكون بقربك

فلا جمال يسكنني الا بوجودك

ايتها الرياح المسكونه بالامل

وجد يتباهى بالمستقبل

نظرات الى عالم جديد

قلب لا يتوه بنبضاته

قوه وصرامه الف رجل

حينما يكون الحديث عني

حقا انتي الامل يا املي

ايتها الدمعه الساكبه بحراره الحب والشوق

كيف لها ان تسقط هكذا بالهدر

كلما ضاقت بها دنياها

كلما هاجت بها مشاعرها

كلما اشتاقت ووباحت للنفس اسرارها

كلما تذكرتني بكل هذا

وهل بعد هذا اجد اختلاف بيني وبينك

فانا هي انتي وانتي هي انا

الى العظيمه

صاحبه

اشراق الشمس وجمال القمر

الى البحر باسرار حياتي

الى النهر الجارف لكل سيئاتي

الى

أمي

احبك

أهديك ياامي كلمات صادقة يانبع الحنان يامن برضاك التوفيق وتحت قدميك الجنه

رودي

غريبة الروح

تريد مني ان اعيش غربتي ؟

تريد مني أن أرضي وحدتي ؟

هان عليك إغترابي ؟

هانت عليك دمعتي ؟

وبعد هذا ... جئت تطلب رحمتي ؟

أبعد هنا... جئت ترجو مودتي ؟

ياأأنت ... يا هذا ... يا شكوتي قلبك كان مدينتي

قضيت في عيونك عمري وأضات فيها شمعتي

ألغيت امامك فكري وركبت حصان ثورتي

سلمت لامرك امري

وجعلت حبك جنيتي

واليوم ترحل

وتقول لي لا تتلفتي للخوف يوماً

ما أنت في عمري الا بعض فصول روايتي

يكفيك بعدي

ذكرياتي

خطاباتي

حكاياتي

يكفيك أني أعطيتك وقتي وعلمتك شجاعتي

يامسافراً وتاركاً لي غربتي

هناك بعض السطور مازالت في قصتي

هناك بعض السهام مازالت في جعبتي

قد اسأت الظن بي حين حسبت أني قد خسرت قضيتي

فأنت ما عرفت يوماً غربه الروح وما جربت لوعتي

رودي