للمره الاوله بغير طريقة كتابتي
اول مرا احس بالاحساس ده واني فعلا مفتقده شخص واني اعرف اني بحبه اووي كدا
فرنسا غابت عنا بدون سابق انزار سابت لنا رساله مبهمة مش فاهمين منها اي شئ
ومش عارفين هي زعلانه من ايه اي ظروفها ايه اللي بتفكر فيه
سابتنا واحنا مشغولين عنها وبنفكر هي فين وفيها ايه
انا عارفة انها بتدخل وبتشوفنا واحد واحد
لانها بتحبنا زي ما بنحبها
وانا حاسة انها بتيجي عندي لان كلامي وحشها
قولت اقولها كلام عوزاها تعرفه وتحسه
اني بحبها اووي
مفتقداها اووي
وخايفة عليها اووي
وعوزاها تيجي وتنور البوست بتوقيع اسمها عليه
ده كفايه عندي انها بس تيجي وتقولي شكرا
بس اعرف انها بخير
انا عارفة يا فرنسا انك مش انانية
وانك بتحبينا زي ما بنحبك
واننا صعبانين عليكي
وهتقدري قلقنا وخوفنا عليكي
وهترجعي مش كدا
وحيات اغلي شئ عندك
تطمنينا عنك
وتنورينا من تاني
عارفة وحشني منكفتك مع عبده الرايق
وكلامك اللي كلنا بنحبة والمداونه المضلمة من غيرك
مش عارفة اقولك ايه تاني
غير
بحبك وارجعلنا ونورينا من تاني
اختك
رودي
هناك 55 تعليقًا:
رودى
البوست بتاعك كان وش الخير
و فرنسا رجعت بالسلامة
مكتبتيش البوست دا من بدرى ليه؟؟؟
فاتيما
والهي لو كنت اعرف كدا كنت كتبته من بدري
علي فكره اتصلت بيكي علي البيت علشان اقولك انها جت
بس محدش رد وشوفت علطول ردك
عرفت انك عرفتي
ربنا ما يحرمنا من بعض ابدا ويدوم المعزة والمحبة بينا
تحياتي يا قمر
الحمد لله يا رودى
فرنسا رجعت
فرنسا دي خلاص بقت حته مننا
بجد انا ماكنتش متخيل ازاي مش هقدر ادخل عندها واقرى مواضيعها وكلامها
الحمدلله انها رجعت ويارب يتم شفاها على خير ان شاء الله
انتي جدعه قوي يا رودي
بجد والله جدعه وانا باحسك حماتي
سلاموووووووووز
الحمد لله
انها بخير
وفعلا البووست بتاعك كان خير
ربنا يزيد المحبه والالفه يارب بينكم
احمد
رودى
حمد لله على سلامة مدام فرانسيز قصدى فرنسا هانم ربنا ما يحرمنا منها ان شاء الله يارب ولا يحرم المدونين من بعض
-------------------
موضوع اعتزارك فى التعليق عندى ده من سوء حظى وعرفت انى يومها انتى كنتى فى فرح بس باذن الله تتعوض المره الجايه واتشرف بلقاءكم كلكم ان شاء الله
الحمدلله رجعت بالسلامه
مفروسته حبيبه قلبي
الحمد الله وانتي من اول من بشرني بلبشرة الحلوة
اموووووووووووووووه علي اخبارك الحلوة يا قمر
سوووووووووو
اه غصب عنك حماتك هو انت تعشم البنت وبعدين تخلع ولا ايه
ههههههههههههه
الحمد الله يا سوو علي رجوعها مبسوطة مش متخيله كنت هرد عليكم ازاي لو مكنتش رجعت
الحمد الله ربنا يديم المحبة والمعروف اللي بينا
تحياتي يا عريس بنتي
سكر ابو محمد
ميرسي جداا واللهم آآآآآآآآآآمين يارب العالمين
والحمد الله رجوعها بلسلامه
وان شاء الله معزومين كلكم علي حاجه ساقعه يوم الخميس في حفل التوقيع مداونات للجيب بمناسبة رجوعها لينا شفاها الله وعفاها يارب
تحياتي لك
رئيس جمهورية نفسي
حودا ده من سوء حظي خيخه لما قالت ليا بعد كدا زعلت انك كنت موجود ومشوفتكش والله لو اعرف قبلها كنت اعتزرت عن الفرح
هو انا عندي اغلي من اخواتي
المرا الجاية ان شاء الله
هو انت مش هتيجي حفل التوقيع للمداونات للجيب ؟
ابو حنف
الحمد الله وربنا يتمم شفائها علي خير
تحياتي لك
انا عايز الساقع بتاعى ديلفرى على البيت لو سمحتم واحدة حلاوه فرنسا وواحده بتاعت الحفله
للاسف يا رودى مش حقدر والله لانى ما بينى وبين القاهرة 11 ساعه سفر اوعى وشك يعنى
بس ان شاء الله المره الجايه الى حاجى فيها حعمل بلاغ قبلها
حودا
اه عارفة اني مشوارك بعيد
طيب خيرها في غيرها ان شاء الله الصباغ اكيد هيعمل تغطية باليوم كلة اصلة المتحدث الرسمي بتاع البلورجية
تحياتي وسلامي
الواحد مش عرف يتخيل النت من غير خالتي فرنسا
يارب ردها لينا بالسلامة يارب
دمت بخير
بجد ربنا يخليلك فرنسا يا رودى انتى شكلك بتحبيها اوى وكنتى قلقانة عليها بس الحمد لله رجوعك بسلام يا فرنساااااااا لرودىىىى ولينا كمان
السلام عليكم ورحمة الله وبركاته
الحمد لله يا رودي فرنسا رجعت بالسلامه
والحمد لله انها بخير
ربنا يطمنا علي الجميع ويبعد عن الكل اي حاجه وحشه
سلام
جميلة كلماتك يا رودي
وما أجمل شعور الحب للآخرين
أتمنالك داوم التوفيق
أخوكِ نيجــر
صاحب المضيفة
فعلا والله عندك حق
ربنا يحبب فيها الناس كمان وكمان ويرجعها لنا بلسلامه
بيروووو
بحبها جداا زي اختي الكبيرة
ولو عرفتيها هتحبيها كمان
ميرسي يا قمر
ادعيلها بلشفاء ودوام الصحه
خمسة فضفضة
ميرسي يا قمر
الحمد الله انها رجعت لنا بلسلامه
اللهم آآآمين
تحياتي
احمد سعيد
ربنا يخليك وميرسي لمرورك وزيارتك الدائمه
تحياتي
ايه المشاعر الحوة دي اللي جمعتكو؟ بصوا انا معرفش من هي فرنسا بس واضح اني هعرفها قريب من كلامكو وخوفكو عليها وبعد هنا عنكو خلاكوا تعملوا كده
انا حبيت اللي بينكو ده أوي
ربنا يديم الحاجات الحلوة بينكو على طوووووووووول
حمدلله على سلامتها
وادام الله هذا الود وطيبة القلب بينكم
تحياتي
و
محبتي
الحمد للهف رنسا عادت الى ارض الوطن بسلام
ربنا يتم شفائها على خير
ميرسى اوى يا رودى على شعورك الطيب
الحمد لله فرنسا رجعت ونحن فى انتظار المساعدات الماليه لفرنسا
كل المساعدات يتلقاها العبد لله عبده الرايق
واهى فرصه
تحيه لقلمك المبدع يا رودى
ومبروك لينا فرنسا
جميلة اوى يا بنوتة مشاعرك دى...
وكويس انها رجعت بالسلامة...ربنا يجمعكم على الخير
شعور جميل جدا ان يكون هناك مثل هذة المشاعر من الوفاء والحب
انا اضم صوتى الى صوتك عودى يا استاذة يا معلمه يا كبير ة
تحاتى
احمد الجيزاوى
انا مكنتش اعرف حاجة خالص يا رودى عشان كنت بعيدة شوية عن المدونات بس لما عرفت زعلت جداااااااا
يارب يشفيها يارب دايما ويبعد عنها كل سؤ
هو انا معرفش مين خالتي فرنسا
بس اكيد حد يستاهل الحب ده
حمد الله علي سلامتها واتمني اعرفها بجد
ازيك يارودى اية اخبارك هشوفك الخميس ولا لا بجد نفسى اشوفكم كلكم تانى وحشتونى جداااااااا
بوسا جميل وفاتحة خير برجوع فرنسا ربنا يخلى الحب والتواصل بيننا بس انا عاوزة كلنا نتبنى حملة لنضع الثقة فى حد فينا يكون قادر يوصل للكل لو حصل لحد حاجة لازم نطلع من ورا الكى بوردات ومينفعش حد فينا يتعب ومنروحلوش او منقدرش نوصلة
تبنى معى الحملة انا هكتب لخيحة كمان
تحياتى
رودى اتمنى تنورينى فى مدونتى وتشاركى معانا
فى حملة اطفال الشوارع
تقبلى تحياتى
أبنتى الغالية رودى
أنتى قلبك جميل
و روحك شفافة
و أحنا أسرة كبيرة
و معك أدعوا لفرنسا بالشفاء العاجل
و العودة السريعة لعالمنا الجميل
ربنا يشفيها يارب
الواحد كده اطمن انه لو غاب شويه حد هيسأل عليه
تحياتى لقلمك
إيه بقى ؟؟
هوه البوست دا موعود بالسؤال عن الغائبين لأسباب مجهولة و لا إيه ؟؟
رودى أنا بعتلك إيميل على الميل الموجود فى البروفايل بتاعك موش عارفة وصلك و لا لأ ...
بس كنت بسألك عن نوران مفيش أخبار جديدة عنها
أنا عارفة إنها الخميس و الجمعة عند مامتها
بس يا ترى إيه السبب المهم الخطير اللى يخليها متجيش الحفل المهم دا و هيا كانت من أشد المتحمسين ليه
يا رب المانع يبقى خير
و لو عرفتى حاجة طمنينى يا رودى
أنا حطيت الإيميل بتاعى فى أعلى المدونة بتاعتى
و النبى طمنينا لو وصلتى لأى معلومات
تحياتى ليكى يا حبيبتى و لنور العسولة
و كنت سعيدة جدا لما شوفتك و اليوم كان حلو قوى
مكنش ناقصنا غير وجود خيخة وسطنا
سلااام
فرنسا دي قمة التأثير فعلا
وربنا يتم شفاها على خير
بس ما شاء الله
بنتك كلت الجو يوم الحفلة
ربنا يخلي هالك ان شاء الله
مستنى حضرتك..
ليكى عندى علاوة..
تعالى خديها
مها
انتي لو عرفتي فرنسا هتحبيها علطول
لانها اطيب واحن اخت لينا هنا في بلوج
ميرسي يا قمر لمشركتك
عبد الرحمن
ربنا يخليك وميرسي علي الدعوة الحلوة دي
تحياتي لك
قطيتي
الحمد الله ربنا يرجعها لنا بلسلامه ومش يحرمنا منها
ربنا يخليكي لينا يا قطتنا
تحياتي
عبده الرايق
ههههههههههههه
منساعدات لفرنسا برضة ولا لي مستر عبده
ربنا يخليك يا عبده وميرسي خالص
ELGaZaLy
يارب يجمعنا كلنا بخير
تحياتي لك
احمد الجزاوي
ميرسي يا احمد ولو سمحت علي صوتك شويا كمان
سلامي لعروستك
مروة
حمدالله علي سلامتك يا جميل
ربنا يرجعها لنا بلسلامه
تحياتي وسلامنا لي محمود
قلب صغير
طبعا تستاهل واكتر كمان انت متعرفش غلوتها عندنا
تحياتي
كلاكيت تاني وتاني
انا معاكي والله فكرة حلوة اووي وانا معاكي شوفي نعمل ايه
تحياتي لكي يا قمر
هيثم
حاضر من عنيا
تحياتي لك
بابا ابو خالد
ميرسي انا كل الكلام ده ربنا يخليك لينا يارب ويطول عمرك
تحياتي
بحبك يا مصر
ربنا ما يجب ليك ولا لينا حاجه وحشة ودائما منورنا كدا
تحياتي لك
فاتيما
هي الحمد الله بخير
واتقابلنا يوم الجمعه
ومعلشي غبت شويا اعبال ما جيت البيت
هبقي ابعتلك التفاصيل في الايميل
تحياتي
دكتور محمد
ربنا يخليك يارب ونشوف ولادك كدا بيلعبو مع نور
لك تحياتي
واحد من البلد دي
بجددددددددددددد
ربنا يخليك هروح حالا اشوف ايه هي العلاوة
لك تحياتي
هاي رودي
الشعر دا حلوة بس مين فرنسا؟ ابله كامل؟
ما عرفتش انها ماتت...
شوف وشك بخير ان شاء الله
ميكة
ميكه مش فاهمة هي مين اللي ماتت
وابلة كامل ؟
رسالتك فيها الغاز
ياريت توضحيها
تحياتي
إرسال تعليق